Bʼa stajel jastik chaʼanyabʼal sbʼa Dyos ja yajni wa xkʼumantik ja Biblia, jani spaklajel lek. Pe ¿jas oj bʼobʼ jkʼuluktik bʼa jachuk ja spaklajel jaw oj katik el lek slekilal?

La jpaklaytik ja jas mas ti chʼikan ja bʼa jas wa xkʼumantiki. Jun sjejel, ¿maʼ stsʼijbʼan ja teksto, jas tyempoʼil stsʼijbʼan sok maʼ wan kʼotel sbʼaj? ¿Jasa wan ekʼeli? ¿Jasa ekʼ ja bʼajtan sok ja tsaʼani?

La jpensaraʼuktik ja bʼa sjejelik wa xnebʼatik. La jletik ja sjakʼjelik ja sjobʼjelik jastal it: «¿Jastal yabʼ sbʼaje ja kristyanoʼik wa staʼa tiʼal ja bʼa loʼili? ¿Jas modoʼalik sjeʼawe sok jas yuj tʼilan oj noche? ¿Jastik mi lek skʼulane sok jas yuj tʼilan mi oj noch ja jaw?».

La katik makunuk ja jas wa xnebʼatik. Jun sjejel, ja yajni wala eltik bʼa xcholjel ma soka jastal wa xkila jbʼajtik soka kristyano. Jachuk wantik yajel makunuk ja jas wa xyala ja Salmo 107:43: «Ja maʼ bibo ojni yaʼ tʼabʼan skʼujol ja jastik it».

• Modo bʼa skʼulajel: Ila jastal ja bʼa xetʼan «Sjejelik jel chaʼanyabʼal bʼa Biblia», ja bʼa reunión bʼa yoj semana, jani wa xwaj skʼujol slejel jastik oj bʼobʼ jnebʼtik, sok kʼulan jachuk. Kada semana, ja bʼa xetʼan it wa xyiʼajan sjobʼjelik bʼa wa xbʼobʼ kaʼ jbʼajtik, jastik bʼa oj bʼobʼ jpensaraʼuktik sok dibujoʼik ma potoʼik bʼa oj bʼobʼ jpaklaytik.