Kʼuman ja Génesis 37:​23-28; 39:​17-23 bʼa yiljel jastal kuchyuj ja jas mi toj kʼulajiyi ja José.

Leʼa impormasyon sbʼaja jas mas wa xyala ja tuk bersikuloʼiki. ¿Jas yuj kʼulajiyi jastik bʼa mi tojuk ja José? (Gén. 37:​3-11; 39:​1, 6-10). ¿Bʼa janekʼ tyempo stekʼa? (Gén. 37:2; 41:46). ¿Jasa skʼulan ja Jyoba snajtil ja tyempo jaw sbʼaja José, sok jasa mi skʼulani? (Gén. 39:​2, 21; w23.01 slam 17 par. 13).

Paklay jujuntik jastik ti chʼikan. Ja bʼa Biblia mi xyala ta ja José skoltay sbʼaj ja bʼa smulik lejiyi yuja xcheʼum ja Potifar. Ta mi skʼulan, ¿jas maʼ yuj? (Cha kʼela ja proverbios 20:2 sok ja Hechos 21:37). ¿Jas yuj ja bʼa Biblia ay mi xchʼak yal ja jastik mero ekʼel bʼa jun loʼil? (Cha kʼela ja Juan 21:25). ¿Jastik modoʼalik koltajiyuj ja José bʼa kuchyuj ja jastik mi toj kʼulajiyiʼi? (Miq. 7:7; Luc. 14:11; Sant. 1:​2, 3).

Pensaraʼan ja jas waxa nebʼa. Jobʼo abʼaj:

• «¿Jastik bʼa mi tojuk wa xbʼobʼ kʼulajuki yuja snebʼumanon ja Jesús?» (Luc. 21:​12, 16, 17; Heb. 10:​33, 34).

• «¿Jasa oj skoltayon bʼa oj ajyukon chapan bʼa oj kuchkuj ja bʼa jas mi tojuki?» (Sal. 62:​7, 8; 105:​17-19; w19.07 slam 2-7).