Modoʼik bʼa skʼulajel estudiar
Nebʼa oj kan bʼa wa pensar ja ‹tsʼebʼojik bʼa Dyos›
«Yajni jel elel jgana, ja Jyoba wa stsatsankʼulanon yajel makunuk ja tsʼebʼojik bʼa JW Broadcasting®» (Lorraine, Estados Unidos).
Ja snochumanik Kristo tolabida stsʼebʼuneje «tsʼebʼojik» bʼa stoyjel ja Jyoba (Col. 3:16). Ta anebʼa bʼa oj kan bʼa wa pensar, ojni bʼobʼ skoltaya ama mi teyuka wiʼoj ja libro bʼa tsʼebʼoj ma jun aparato. Seguro jelni oj skoltaya ja bʼa jastik it. ¿Jas mixa kʼulan probar?
Pila tyempo bʼa skʼumajel ja sletraʼil ja tsʼebʼojik sok yabʼjel stojol. Yajni ay jas wa xkabʼtik stojol, masni pasil wa xjul jkʼujoltik. Ja bʼa jw.org ti wa xtax ja sletraʼil spetsanil ja tsʼebʼojiki, cha tini wa xtax ja tsʼebʼojik ja bʼa JW Broadcasting sok ja tsʼebʼojik bʼa yal untik. Bʼa oja taʼ, kaʼax ja bʼa wa xyala «Juʼunik» sok tsaʼan ja bʼa «Kʼin».
Tsʼijbʼan ja sletraʼil bʼa jun juʼun. Ja jaw oj skoltaya bʼa oj kan bʼa wa pensar ja tsʼebʼojiki (Deut. 17:18).
Nebʼa stsʼebʼantajel tsats. Kʼuman ja sletraʼili ma tsʼebʼanan jitsan ekʼele.
Aʼoch probar jawa pensar. Leʼa modo yajel juluka kʼujol ja sletraʼil jach mi oja wil sok tsaʼan ila jastal wajawuj.
