¿Wan maʼ xa kʼana oj wa el mas slekilal ja yajni waxa kʼulan estudiari? Ja sujerensyaʼik ti nochani oj skoltaya bʼa oj wajuka kʼujol mas ja yajni oja kʼulan estudiari.

• Leʼa jun tsamal lugar bʼa oj ajyan. Ta oj bʼobʼuki, leʼa jun lugar bʼa sak ay sok bʼa ay lus bʼa oja wil lek. Oj bʼobʼ ajyan bʼa jun mesa ma oja leʼ jun lugar bʼa jaman kʼinal bʼa lek oja wabʼ oj ajyan.

• Leʼa jun lugar bʼa oj bʼobʼ ajyana tuchʼil. Ja Jesús stsaʼa oj yayi orasyon «sajto lek ja bʼa saʼan sakbʼeli» bʼa «jun chʼabʼan lugar» (Mar. 1:35). Ta ja weʼn mi xbʼobʼ ajyana tuchʼil, alayabʼ jawa pamilyaʼik ma ja matik teya moki ja yajni oja kʼul estudiari sok alayabʼye ke mok sjoma wolom.

• Mok jas sjoma wolom. Ta wa xwa makunuk jawa telepono ma jawa tableta ja yajni waxa kʼulan estudiari, aʼajyuk bʼa jun modo chʼabʼan bʼa mi jas oj julukabʼaj ma aʼajyuk modo bʼa abyon bʼa mi jas oj sjoma wolom. Pe ta ay jas julakʼujol oja kʼuluk yajni wanaxa skʼulajel estudiari, aʼoch juʼun bʼa oja kʼuluk tsaʼan. Ta wokol xa wabʼ oj wajuka kʼujol, kʼotan tekʼan bʼa oj bʼejyan ma bʼa oja bʼiʼabʼaj tʼunuk.