Yajni wa xchʼaka kʼul estudiar, ¿wokol maʼ xa wabʼ wa xjula kʼujol ja jas wanto chʼaka paklayi? Jpetsaniltik ayni jach wa x-ekʼ jbʼajtik. ¿Jasa oj bʼobʼ skoltayotik? Jani skʼulajel repasar ja jastik mas tʼilani.

Yajni xa kʼulan estudiar, bʼa jujuntik ekʼele kʼotan tekʼan sok pensaraʼan ja jastik wana snebʼjeli. Jani it ja jas yala yabʼye oj skʼuluke ja jekabʼanum Pablo ja hermanoʼik jumasaʼ bʼa wane skʼumajel ja skarta. Yala yabʼye: «Ja jas wa xkʼan jchiktestik ja bʼa jas wantik yaljeli jani ja it» (Heb. 8:1). Soka yaljelik it, skoltay bʼa oj yabʼye stojol ja jas wan yaljeli sok bʼa oj yile jastal wa syaka sbʼaj.

Kada ekʼele xa kʼulan estudiar, pila jun sjutsʼinil bʼobʼta junuk 10 minuto bʼa oja pensaraʼuk ja jastik mas tʼilani. Ta mi jel xjula kʼujol, ojni bʼobʼ wa juluka kʼujol skʼumajel yajkʼachil ekʼele ja yal yolomajelik ma ja bʼajtan xetʼan bʼa kada parrapo. Yajni ay jas ajkʼach xa nebʼa, leʼa modo xcholjel jastalni kʼajyel wala kʼumani. Yajni xa kʼulan repasar ja jastik mas tʼilani, mini kechanta mas pasil oj juluka kʼujol, cha ojni awil jastal oj wa makunuk ja bʼa wa sakʼanili.