YOLOMAJEL JA BʼA SPATIKI | ABʼAN STSAMALIL SKʼUMAJEL JA BIBLIA
¿Jastal oj spaya skʼumajel?
¿Jel maʼ axwela sbʼaj ma jel tsamal xa wabʼ skʼumajel ja Biblia? Ja sjakʼjel jaw tey bʼa jastal waxa kʼuman. La kiltik modoʼalik bʼa oj bʼobʼa kʼuluk bʼa mas oj spaya skʼumajel.
Tsaʼa jun Biblia bʼa waxa jipa kʼujol. Ta yajni xa kʼuman jel xa taʼa jitsan yaljelik bʼa mixa wabʼ stojolil ma jelxa pokoʼik, wokolni oja wabʼ stsamalil skʼumajel. Ja yujil, leʼa jun Biblia bʼa pasil yabʼjel stojolil bʼa wa xya kʼot man wa kʼujol. Chomajkil, tʼilani tsʼikan ay lek sok waxa jipa akʼujol ja jastal sutubʼali. *
Amakunuk ja ajkʼachik aparato. Ja bʼa jtyempotiki, ja Biblia mixa kechanuk kʼulubʼal imprimir, cha wanxa xbʼobʼ wa makunuk bʼa aparatoʼik. Wa xbʼobʼa kʼumuk jach bʼa Internet ma yajel koʼuk bʼa jun computadora, bʼa jun tableta ma bʼa celular. Jujuntik programa bʼa ayiʼojan ja Biblia wani xyaʼakan yiljel tuk bersikuloʼik bʼa Biblia ja bʼa jas wana spaklajeli ma yajel slaj sbʼaj ja jas wa xyala tuk Bibliaʼik. Sok ta mas lek xa wabʼ ja kechan smaklajeli, cha kʼulubʼalxa grabar. Jitsan jel xyiʼaje gusto smaklajel yajni wajume bʼa yaʼtele, wane aʼtel bʼa yoj naʼits ma chikan jas wane skʼulajel bʼa wa xbʼobʼ smaklaye. ¿Jas mi xa kʼulan probar jun modoʼal bʼa lek xa wila?
Amakunuk yamkʼabʼalik. Ja yamkʼabʼalik bʼa spaklajel sbʼaja Biblia ojni skoltaya bʼa yajel eluk mas slekilal ja skʼumajeli. Ayiʼojan mapaʼik bʼa luʼum bʼa tyempo najate bʼa oj skoltaya snajel ja bʼa wa xtax ja lugarik wa staʼa tiʼal ja loʼiliki sok yajel ekʼ bʼa wa wolom ja jastik ekʼi. Chomajkil, jujuntik artikulo elel ja bʼa rebistaʼik it sok ja bʼa sitio bʼa Internet jw.org ojni skoltaya yabʼjel stojolil jitsan tekstoʼik bʼa Biblia.
Tuktukil modo bʼa skʼumajel. Yujkʼa ja skʼumajel yibʼanal ja Biblia jel axwela sbʼaj waxa wabʼi, ¿jas mi xa leʼa jun xetʼan bʼa mas wa spayawa? Bʼa snajel sbʼaj mas jun ixuk ma winik ja bʼa Biblia bʼa jel naʼubʼal sbʼaj, ojni bʼobʼa tsaʼ skʼumajel jachuk. Jun sjejel sbʼaja it tey ja rekwagro « Naʼa sbʼaj mas ixuk winik bʼa Biblia bʼa yabʼjel stojolil mas». Ma oj bʼobʼa kʼumuk jujune yolomajel ma jach bʼa chole tyempoʼik ekʼ ja jastiki. ¿Jas mi xa kʼulan probar?
^ par. 4 Jitsan kʼumumanik yiluneje ja Traducción del Nuevo Mundo de las Santas Escrituras tsʼikani lek, wa xbʼobʼa jipa kʼujol sok pasil skʼumajel. Ja Biblia it, bʼa yeʼn yaʼuneje eluk ja taʼumantiʼik bʼa Jyoba, ayxa elel mas ja 130 kʼumal. Ojni bʼobʼ wa koʼuk ja bʼa sitio bʼa Internet jw.org ma yajel koʼuk ja programa JW Library. Ma yujkʼa waxa kʼana, ja taʼumantiʼik bʼa Jyoba ojni bʼobʼ yiʼochawi june bʼa wa naj.
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Tsʼikan maʼ lek ja jasa wa xyala ja Traducción del Nuevo Mundo?
¿Jas yuj ja Traducción del Nuevo Mundo tukni yuja tuk Bibliaʼik sutubʼali?
