¿Wanto maʼ xmakuni ja Biblia?
JUJUNTIK WA XYALAWE MIYUK. Jun loktor yala ja yajel makunuk ja Biblia bʼa slejel koltanel jachbʼi jastal yajel makunuk jun libro bʼa jabʼil 1920 bʼa yajel jun clase bʼa Química. Ja matik mi skisawe ja Biblia bʼobʼta oj sjobʼawi ta oj wa makunuk jun sjuʼunil computadora pokoxa bʼa oja naʼ jastal yajel makunuk june ajkʼach. Bʼa pilan yaljel, jujuntik wa spensaraʼane ja Biblia jelxa poko.
¿Jas xcholyuj june jun juʼun jelxa poko bʼa slejel koltanel yajni jelxa aparatoʼik jel chapanik ja bʼa jtyempotiki? Masto ja yajni ay jitsan sitio bʼa Internet bʼa tuktukil tikʼe bʼa tikʼan wa xyaʼawe eljan rasonik sok jas skʼulajel. Programaʼik bʼa wa xyalawe ja jas wa spensaraʼane soka rasonik wa xyaʼawe jitsan loktorik sok tsʼijbʼuman juʼunik. Sok negosyoʼik bʼa wa x–aʼtijiyesok empresaʼik bʼa jel riko, bʼa wa xyawe eljan jitsan libroʼik bʼa oja taʼ akoltajel.
Soka jitsan jastik junuk ajkʼach ja bʼa jtyempotiki, ¿jas xchol oj jleʼ jkoltajeltik bʼa Biblia, bʼa ayxa yiʼoj 2,000 jabʼil tsʼijbʼaxi? ¿Ma meran ja jas wa xyalawe ja matik mi skisawe ja Biblia bʼa jach jastal yajel makunuk jun libro bʼa química ma jun sjuʼunil bʼa computadora bʼa pokoxa? Ja smeranili, ja pensar jaw mini stojoluk. Ja ciencia soka aparatoʼik wegoxta wa xtukbʼi, pe ¿wan maʼ xtukbʼi ja jas wa xmakuniyuj ja ixuk winiki? Ja ixuk winiki wani skʼanawe oj ajyuke gusto, mi jas oj ekʼ sbʼaje, yabʼjel stojolil ja sakʼanile, oj ajyuk gusto ja spamilyaʼe sok lekil yamigoʼe.
Ama jitsanxa jabʼil tsʼijbʼubʼal ja Biblia, wani xyala sbʼaja jas wa xmakuniyuj ja ixuk winik sok tuk jasunuk. Cha wani xyala ja jas tsʼijbʼunubʼali yeʼn spensar ja jKʼulumantiki. Wa xyaʼa rasonik bʼa chikan jastal wala taxtik sok wa xchapawotik bʼa oj kuchkujtik ja tsatsal wokoliki (2 Timoteo 3:16, 17). Chomajkil, wa xyala ja srasoniki tolabida oj skoltayotik sok mini oj pokoʼaxuk. Ja Biblia wa xyala: «Ja yabal ja Diosi [...] ay ni yipa» (Hebreos 4:12).
¿Meran maʼ ja yaljelik it? ¿Pokoxa maʼ ja Biblia, ma jun libro bʼa jel xmakunikujtik, bʼa ay yip? Ja xchol yiʼoj ja rebista it, jani bʼa oj skoltaya bʼa stajel ja sjakʼjelik ja sjobʼjel chʼakta alxukoni.
Bʼobʼta cha ojni akʼul gusto
SJOBʼJELIK SBʼAJA BIBLIA
¿Jasunkiluk ja Biblia?
Wa xkʼe jawa tsamal biaje sbʼaja rason jakel bʼa Dyos bʼa wa sbʼiʼilan ja yabʼal ja Dyos.
ESSENTIAL BIBLE TEACHINGS
¿Jas yuj wa xbʼobʼ jipjkʼujoltik ja Biblia jani ja smeranili?
Jujuntik ixuk winik wax yalawe ja Biblia kechan yiʼoj loiʼilik sok kwentoʼik sok tsibʼuneje ja ixuk winik. Yuj yenuk ja Dyos ja maʼ tsibʼune ja biblia mini oj sla ja jastal jel chaʼanyabʼalil.
SJOBʼJELIK SBʼAJA BIBLIA
¿Oj maʼ bʼobʼ jtaʼ jkoltajel ja bʼa Biblia?
Jitsan kristyano wan ekʼel sbʼaje tsatsal wokolik sok pensarik bʼa mi xtulwani, sok staʼuneje skoltajele ja bʼa Biblia.
SBʼAJA KEʼNTIKONI
Kʼana maʼ oj yulataya
Naʼa ja sjakʼjel bʼa jun sjobʼjel bʼa Biblia ma naʼa sbʼaj mas ja testigoʼik bʼa Jyoba.
