Ja Rosa wa xyala: «Ay ekʼel jbʼaj jun chamel bʼa jel tikʼan xyaki syajal. Jelxa ipaxita el ja jsakʼanili». June ja bʼa niwak xcham skʼujoliki jani jel wokol wa xwaj skʼujol ja yajni wa spaklay ja Biblia soka jastik bʼa Dyosi. Pe jelni aji kulan skʼujol ja yaljelik bʼa Jesús wa xtax bʼa Mateo 19:26: «Pero ja Diosi, [...] oj ni bob yuj spetzanila». Ja Rosa yila mi kechanuk ay jun modo bʼa spaklajel. Yuja ay ekʼele jelni wokol xyabʼ skʼumajel yuja syajal yiʼoji, kʼe smaklay ja grabasyonik bʼa Biblia sok ja juʼunik eleli. * Ja yeʼn wa xyala: «Mokukxta jtaʼ ja modoʼal it, mini oj jbʼobʼ jtalnay ja jastal wala taxyon soka Dyosi».

Yajni ja Rosa triste ay xyabʼi yuja mixa xbʼobʼ skʼuluk jastalni ajyi, wa x-aji kulan skʼujol soka yaljelik bʼa 2 Corintios 8:12: «Cuando [...] gusto lec [wa xkaʼatik]. Ja Diosi huax yila ja janecʼ quiojtiqui soc ja janecʼ huax caatiqui. Mi huax yala oj caatic cuando mey quiojtiqui». Ja it wa xjul skʼujol gustoni ay ja Dyosi yuja jas wa skʼulani, yujni wa skʼulan ja janekʼ wa xlajxiyuj sbʼaja jastal wa xtaxi.

Ja Diana, bʼa jtaʼatikta tiʼal, wa xyala: «Yajni cham ja kakʼixi, bʼa kechanto yiʼoj 18 jabʼil, jelni yaj kabʼi sok jpensaraʼan mi oj kuchkuj. Mixani junukxta jastal ajyi». Ja Diana jel aji tsatsankʼujolajuk soka yaljelik bʼa Salmo 94:19, bʼa stsʼebʼantayi ja Dyos ja tsʼebʼanumi: «Yajni ja chamkʼujolik och jitsanbʼuk bʼa keʼna, ja weʼn awaki kulan jkʼujol sok wa lamxukon». Ja Diana cha yala: «Jkʼanayi ja Jyoba bʼa a-skoltayon stajel jun kaʼtel bʼa oj ya lamxuk ja syajal kiʼoji».

Ja Diana skʼapa sbʼaj koltanel bʼa jun aʼtel bʼa jel aji likikuk yabʼi. Yajni ekʼ ja tyempo, kʼot yil sbʼaj jastal ja skolore ja yal untik bʼa wa skʼulane dibujoʼik: ama kʼokelxa wantoni xmakuni. Anima wa xyabʼ jach wa xtax ja yeʼn jastal ja kʼokel koloriki, wantoni xbʼobʼ skoltay ja tuki. Ja yeʼn wa xcholo: «Junta chʼay kʼujol kila, ja yajni wa xkayi kulan skʼujole sok rasonik bʼa Biblia sok spensarajelik bʼa Biblia ja kestudianteʼiki, ja Jyoba cha wani yajelki kulan jkʼujol ja keʼn». Skʼulan jun lista bʼa ixuk winike bʼa Biblia bʼa ekʼ sbʼaje wokolik. ¿Jasa staʼa? «Yibʼanale ja yeʼnle yaweyi orasyon». Chomajkil snebʼa ta «mixa jama ja Biblia, mini jun sjakʼjel oja taʼe».

Pe ja Diana jeʼubʼalyi yuja Biblia pilan jasunuk: bʼa jaʼ oj waj skʼujol ja bʼa tyempo jakumi sok mi jaʼuk ja bʼa ekʼta. Jel x-aji kulan skʼujol yuja smajlajel wa xtax bʼa Hechos 24:15: «Huax cʼuan ja maʼ huax chami, tʼilan oj cho sac-huuc, sea lec, ma malo». ¿Meran maʼ lek wa skʼuʼan bʼa oj ajuk sakʼwuk ja yakʼix yuja Jyoba? La kiltik jastal wa sjakʼa ja Diana: «Wani xkʼuʼan lek bʼa ojni kil ja yal kakʼixi. Ja Kajwal Dyosi yaʼunejxa ochuk juʼun ja yajtabʼ bʼa oj kil jbʼajtikon. Wanxa xkila jbʼaj soka kakʼix ja bʼa stiʼ jnaji junxta jastal ja yora pojki».