JA JUʼUN CHOLUMANI Núm. 1, 2023 | Talnay jawa pensar ¿Jastal oj skoltaya ja Biblia?
Jitsan kristyano bʼa sutanal ja luʼumi ayiʼoje chamkʼujol sok syajal yuj smul ja wokolik bʼa pensar. Ja wokol it wani xbʼobʼ yixtalaʼuk chikan machʼa, chikan janekʼ ja sjabʼil, ja skultura, ja srelijyon, ta ay ma mey stakʼin sok xchapjel. Pe ¿jasunuk ja chamel bʼa pensar, sok jastal wa xyixtalan ja sakʼanil ja kristyano? Ja rebista it oj staʼ tiʼal sbʼaja stʼilanil yijel anik sbʼaja chamel jaw sok ja modoʼik jastal ja Biblia wa xbʼobʼ skoltay ja matik jach wan ekʼel sbʼaji.
Ja wokolik bʼa pensar wanxta ipaxel
Ja wokolik bʼa pensar ojni bʼobʼ yixtalaʼuk chikan machʼa, chikan janekʼ ja sjabʼil ma ja bʼa jakeli. Ila jastal oj bʼobʼ skoltaya ja Biblia bʼa ajyelawuj jun lekila pensar.
Ja Dyosi wa skʼana oj stalnaya
¿Jas yuj wa xbʼobʼ ajyukotik seguro ke ja Jyoba wa xyabʼ stojol ja jas wa xpensarantik sok ja jastal ay xkabʼtik?
1 | Ja orasyon: Awik «ekʼyi spetsanil jawa chamkʼujolex ja yeʼni»
¿Meran maʼ oj bʼobʼ wa ekʼyi bʼa orasyon ja Dyos chikan jas wokol ma chamkʼujola wiʼoj? ¿Jastal wa xkoltajiyeyuj ja orasyon ja matik wane yijel wokol yuja chamkʼujoli?
2 | Wa xyaʼa «kulan jkʼujoltik ja Yabʼal ja Dyosi»
Ja Biblia wa skʼapa ke ojxta chʼay snajel ja syajal wa xkabʼtiki.
3 | Experienciaʼik meran ekʼel wa xtax ja bʼa Biblia
Ja experienciaʼik wa xtax ja bʼa Biblia bʼa jach yabʼye jastal keʼntik ojni bʼobʼ skoltayotik bʼa yiljel ke mi kechan keʼntik oj kʼultiksok luchar jastik bʼa wa xya chamjkʼujoltik.
4 | Ja lekil rasonik wa xyaʼa ja Biblia
Ila jastal ja spensarajel tekstoʼik bʼa Biblia sok yajel ajyuka kʼelsat bʼa oj lajxukawuj oj skoltaya bʼa skʼulajelsok luchar ja wokolik bʼa pensar.
¿Jastal oj bʼobʼ jkoltaytik ja matik wane yijel wokol bʼa spensare?
Ja koltanel oja wayi juna wamigo bʼa wan yijel jun wokol bʼa spensar jelni oj koltajuk.
