Ja Dyosi wa skʼana oj stalnaya
JA BʼA Biblia wani xtaʼatik lekil rasonik, yujni ja libro it ti wa jakel bʼa Dyos. Meran mini kʼoteluk jun libro bʼa anik, pe wani xyakitik rasonik jel xmakuni bʼa oj skoltayotik jastal oj kuchkujtik ja jchamkʼujoltik, ja jastal wa xyixtalanotik ja jastik wa xpensarantik, ja syajal wa xkabʼtik, ja wokolik ja bʼa jsakʼaniltik sok ja bʼa jpensarantik.
Ja Biblia cha wa sjeʼakitik jun jasunuk jel tʼilan: ke ja jKʼulumantik, ja Jyoba a Dyos, kechani yeʼn wa xyabʼ lek stojol ja jas wa xpensarantik sok ja jastal wa xkabʼ ayotik. Ja yeʼn wa skʼana oj stalnayotik sok ajyel jmoktik ja yajni teytik bʼa wokoli. Jun sjejel, pensaran ja jas wa xyala ja chabʼ tekstoʼik it bʼa Biblia. Jelni oj skoltaya.
«Ja Jyoba mojan ay soka matik jel tristeʼay skʼujoli, wa skoltay ja matik elel sgana» (SALMO 34:18).
«Keʼnani, ja Jyoba wa Dyosi, jyamunej lek ja stojol wa kʼabʼi, ja Maʼ wa xyalawabʼ: ‹Mok xiwan. Keʼn meran lek oj jkoltaya›» (ISAÍAS 41:13).
Anto, ¿jastal wa skoltayotik ja Jyoba bʼa oj kuchkujtik ja wokolik bʼa pensar? Ja bʼa artikulo ti nochani oja wil jastal ja Jyoba meran lek wa skʼana oj stalnayotik sok ja yuj wa xyakitik jitsan koltanel.
a Ja Jyoba jani sbʼiʼil ja Dyos (Salmo 83:18).
