¿Jasa wa xyala ja Biblia?
¿Jasunuk ma machunuk ja Dyablo?
¿OJ MAʼ AWAL ja Dyablo kʼotel . . .
... jun ikʼ ason?
... jun jasunuk mi lekuk tey bʼa kojoltik?
... jun jasunuk tey bʼa jpensartik?
JA JAS WA XYALA JA BIBLIA
Ja Dyablo yiʼaj loʼil ja Jesús sok ya och «probar» (Mateo 4:1-4). Ja yuj ja Dyablo mini jun jasunuk tey bʼa jpensartik ma jas mi lekuk tey bʼa kojoltik. Ja yeʼn kʼotel jun ikʼ ason bʼa jel malo.
¿JASA MAS WA XYALA JA BIBLIA?
Wa xyala ja Dyablo wajni jun anjel bʼa lek, pe mini ajyi ja bʼa «smeranili» (Juan 8:44). Pax jun leʼa abʼal sok skʼoko ja yabʼal ja Dyosi.
Jujuntik anjelik ja snochowe ja Satanás (Apocalipsis 12:9).
Ja Dyablo wa xya skʼuʼuk ja ixuk winik bʼa mini ayuk (2 Corintios 4:4).
¿Wan maʼ xbʼobʼ ixtalajuk ja ixuk winik yuja Dyablo?
JUJUNTIK WA XYALAWE ja jaw kʼotel jun kwento, sok jaxa tuki wa xiwye bʼa oj och sbʼaje pukuj. Jaxa weʼn, ¿jasa waxa pensaraʼan?
JA JAS WA XYALA JA BIBLIA
«Ja maʼ tey ba mundo, ti aye juntiro ja ba scʼab ja diablo» (1 Juan 5:19). Ja Dyablo tini ay ja yip ja bʼa jas wa skʼulan ja ixuk winiki, pe mini teyuk ja yip bʼa jujune ja ixuk winik.
¿JASA MAS WA XYALA JA BIBLIA?
Wa xyala ja Dyablo wa xya makunuk ja loʼlanel bʼa oj staʼ mas yip (2 Corintios 11:14).
Bʼa jujuntik ekʼele, ja pukujiki wa xbʼobʼ yixtalaʼuk ja ixuk winiki (Mateo 12:22).
Soka skoltanel ja Dyosi, ojni bʼobʼa kontraʼuk ja Dyablo bʼa oj spak ajnel (Santiago 4:7).
Bʼobʼta cha ojni akʼul gusto
SJOBʼJELIK SBʼAJA BIBLIA
¿Meran maʼ sakʼan ja Dyablo?
¿Meran maʼ sakʼan ja Dyablo ma ja smaloʼil ay bʼa kada jujune bʼa keʼntik?
