Jun sjejel, ja Sali, * bʼa Estados Unidos, xchʼaya jitsan jastik sbʼaj yuj jun huracán. Ja yeʼn wa xcholo: «Kabʼ lajansok mixa oj kuchkuj mas. Jitsan kʼakʼu kabʼ lajansok ojxa chamkon».

Yajni wa xcham june bʼa jpamilyatik, cha jelni yaj. Ja Yanis, bʼa Australia, wa xyala: «Yajni cham ja chabʼ kuntikili, lajansok el xentik yaman ja jsakʼanili sok jleʼa modo stsomjel bʼa stojbʼesel yajkʼachil ekʼele ja janekʼ bʼobʼkuji. Jpatayi skʼujol ja Dyosi: ‹Awa pabor, ¡mixa xkuchkuj mas ja syajali! Kechan wa xkʼana oj ochkan jwayel sok mixa oj kʼekon›».

Jaxa Daniel, jelni yajbʼesji yajni ja xcheʼum sleʼa smul sok pilan winik. Ja yeʼn wa xcholo: «Yajni ja jcheʼum yala kabʼ koʼta mulal sok pilan, lajansok tsʼapjiki jun kuchiyo ja bʼa jkʼujoli. Jelni yaj, lajansok tikʼanxta wan tsʼapjelki, sok jitsan ixaw jach kabʼ ajyiyon».

Ja rebista it oj skoltaya yiljel aytoni sbʼej ajyel sakʼan ama wantik wokolanel yuj

• Jun desgrasya

• Ay maʼ chamelkujtik

• Wa sloʼlaya jawa nupi

• Jun tsatsal chamel

• Mal pensarik

Bʼajtan, la kiltik jasa oj koltajukeyuj ja matik wa x-ekʼ sbʼaje jun desgrasya.