¿Jasa wa xyala ja Biblia?
¿Oj maʼ kʼot jun kʼakʼu oj kʼulaxuk ja bʼa toj ja bʼa Luʼumi?
¿Jas waxa pensaraʼan?
Ojo
Miyuk
Bʼobʼta
Ja jas wa xyala ja Biblia
«Wani xnaʼa lek ja Jyoba oj skoltay ja maʼ ajula sbʼaji sok oj skʼulukyi ja bʼa toj ja maʼ pobre» (Salmo 140:12). Ja sGobyerno ja Dyos oj skʼuluk ja jas bʼa toj ja bʼa Luʼumi.
¿Jasa mas wa xyala ja Biblia?
Ja Dyosi wa xyila ja jastik mi sbʼejuk wan kʼulaxel ja bʼa luʼumkʼinali sok ojni stojbʼes (Eclesiastés 5:8).
Ja jas toj oj skʼuluk ja Dyos oj yijan lamanil sok lekilal (Isaías 32:16-18).
¿Tsaʼubʼalta maʼ wa xyila ja Dyos ja ixuk winiki?
Ja jas wa skʼuʼane jujuntik: Jujuntik wa skʼuʼane jabʼi ja Dyos kechanta wa xya koʼ slekilal jujuntik kʼole, jaxa tuki yaʼunejbʼi yiʼ wokol, jaxa tuki wa spensarane junxta wa xyilawotik. ¿Jas waxa pensaraʼan ja weʼn?
Ja jas wa xyala ja Biblia
«Ja Diosi, mi ni jun maʼ menos huax yilaa. Chican jastic razailotica, ja maʼ huax xiu yuj ja Diosi, ja maʼ huas scʼulan yi lec ja smoji, lec ni huax yila ja Diosa» (Hechos 10:34, 35). Ja Dyos junxta wa xyilawotik.
¿Jasa mas wa xyala ja Biblia?
Ja Biblia ayiʼoj lekil yaljelik sbʼa «chican bi ba lugar culane, chican bi jas razaile, chican bi jas cʼumalile ma jas cristianoilei» (Apocalipsis 14:6).
Bʼobʼta cha ojni akʼul gusto
JA BIBLIA STUKBʼES JA SAKʼANILE
Wanon lucha ajyi soka jastik b’a mi tojuk
Ja Rafika xchʼika sbʼaj bʼa jun kʼole ixuk winik bʼa xchʼayjel snajel ja jastik mi tojuki. Tsaʼan kʼot snaʼ ja kʼapjelal wa xyaʼa ja Biblia bʼa wa xyala ja sGobyerno ja Dyos oj yijan lamanil sok bʼa akʼulaxuk ja bʼa toji.
