¿Jasto wa smajlaye ja matik chameli?
Spetsanil ja kristyano yabʼunej ja tristeʼil soka xchʼayjel ja maʼ wa xchami. ¿Pe ti maʼ wa xchʼak yibʼanal ja wala chamtiki? ¿Tixa maʼ wa xchʼaykan kʼujolal ja matik chameli? ¿Ojto maʼ sakʼwukejan?
PENSARAN JA JAS WA XYALA JA BIBLIA
JA DYOS ME XCHʼAY SKʼUJOL JA CHAMWINIKI
«Oj ni cʼotuc ja cʼacʼu ja maʼ chamel xa [...] oj eluque ja ba sqʼuejnalei» (Juan 5:28, 29).
Ja Dyos wa xjulskʼujol ja matik chameli. Spetsanil ja matik tey bʼa spensari oj sakʼwukejan.
JA MATIK CHAMELI OJ SAKʼWUKEJAN BʼA LUʼUM
«Ja maʼ huax chami, tʼilan oj cho sac-huuc, sea lec, ma malo» (Hechos 24:15).
Jitsan miyon ixuk winik oj sakʼwukejan soka smajlajel bʼa oj ajyuke sakʼan tolabida jach laman.
WANI XBʼOBʼ JKʼUʼUKTIK JA SAKʼWELAL
Ja Dyos «wa xyajtabʼan janekʼ kʼanal ay; ja yeʼn wa spaya jujune soka sbʼiʼil» (Salmo 147:4).
Ta ja Dyos wa xbʼobʼ spay ja kʼanalik jach sok sbʼiʼil, mini wokoluk oj julskʼujol ja matik wa spensaran oj ya sakʼwuki.
