¿Jas wa xyala ja Biblia?
¿Jasa wa x-ekʼ ja wala chamtiki?
JUJUNTIK WA SKʼUʼANE sakʼantobʼi aytik bʼa pilanxa modo. Tuk wa spensarane ja yajni june wa xchami ti wa xchʼak yibʼanal. Jaxa weʼn, ¿jasa waxa pensaraʼan?
JA JAS WA XYALA JA BIBLIA
«Ja matik chamelexa mixato jas snaʼawe» (Eclesiastés 9:5). Yajni wala chamtiki, ti wa xchʼak yibʼanal.
¿JASUNKILUK MAS WA XYALA JA BIBLIA?
Wa xyala ja bʼajtan winiki, ja Adán, yajni chami kumxi bʼa stsʼubʼil luʼum (Génesis 2:7; 3:19). Ja yuj, spetsanil ja maʼ wa xchami wa xpax tsʼubʼil luʼum (Eclesiastés 3:19, 20).
Yajni june wa xchami, ja Dyos wa skusuyi ja smuli (Romanos 6:7). Ja yuj, yajni chamta mi wa xkʼulji kastigar yuja smul skʼulan ja yajni ajyi sakʼani.
¿Ojto maʼ sakʼwukejan ja matik chamelexa?
¿JAS WAXA PENSARAʼAN?
Ojo
Miyuk
Bʼobʼta
JA JAS WA XYALA JA BIBLIA
«Ja maʼ huax chami, tʼilan oj cho sac-huuc» (Hechos 24:15).
¿JASUNKILUK MAS WA XYALA JA BIBLIA?
Bʼa jitsan ekʼel ja Biblia wa xya slaj ja chamelchʼakel sok wayel (Juan 11:11-14). Ja Dyos wa xbʼobʼ syujkes ja matik chamelexa jastalni ja keʼntik wa xbʼobʼ yujkestik ja maʼ wan wayeli (Job 14:13-15).
Ja Biblia wa staʼa tiʼal jitsan sjejelik bʼa sakʼwiye ja chamwiniki bʼa wa xya jkʼuʼuktik ja matik chameleʼi oj bʼobʼ sakʼwukejan (1 Reyes 17:17-24; Lucas 7:11-17; Juan 11:39-44).
