Yajni wa xkʼumantik ja Biblia, ojni bʼobʼ jpaklaytik mas bʼa yabʼjel stojolil. Pe mi xkʼanatik kechanta oj kʼultik estudiar bʼa oj ajyukujtik mas snajel bʼa Biblia. Wani xkʼanatik oj paklaytik mas ja tsamal smodoʼik ja Jyoba sok ja jaw ojni skoltayotik bʼa oj yajtaytik mas. Bʼa oj lajxukujtik, la jobʼ jbʼajtik: «¿Jasa wa sjeʼaki sbʼaja Jyoba ja teksto it?».

Jun sjejel, ojni bʼobʼa paklay mas sbʼaja jastal wa sjeʼa ja modoʼalik mas tʼilan yiʼoj ja Jyoba: ja syajal skʼujol, ja sbiboʼil, ja stojil sok ja yipi. Pe mini kechanuk ayiʼoj ja modoʼalik jaw. Ayni yiʼoj tuk modoʼalik bʼa wa xpaywani. ¿Bʼa oja taʼ impormasyon sbʼaja jastik jaw?

Oja taʼ jun lista bʼa mas ja 50 modoʼalik yiʼoj ja Jyoba ja bʼa Índice de las publicaciones Watch Tower. Kaʼax ja bʼa yolomajel «Jehová» sok tsaʼan ja bʼa subtítulo «Cualidades por nombre». Ila jas modoʼal ja bʼa lista wa slaja sbʼajsok ja jas wana skʼumajeli, sok tsaʼan kʼuman ja impormasyon (ta kechan wa xbʼobʼ ochan ja bʼa Juʼun bʼa koltanel spaklajel, kaʼax ja bʼa yolomajel «Ja Jyoba Dyos» sok tsaʼan ja bʼa subtítulo «Ja smodoʼik ja Jyoba»).