CHABʼ ixuk bʼa akʼixeto ti ekʼume bʼa jun lugar bʼa negosyo ja bʼa chonabʼ Baguio (Filipinas). Yilawe jun yal karrito bʼa xcholjel bʼa ay jitsan ixuk winik, pe mi mojxiye. Ja Helen, ja hermana bʼa tey bʼa stsʼeʼel ja yal karrito, yila ja akʼixuk sok tseʼni. Ekʼye toj, pe jelni chamyilawe yuja tseʼni ja Helen.

Mas tsaʼan, yajni wajumexa bʼa snaje bʼa jun autobús, yilawe niwan letraʼik tsʼijbʼunubʼal jw.org bʼa jun bʼa Naʼits bʼa Tsomjelal. Julskʼujole jani junxta ja letraʼik yilawe ja bʼa yal karrito bʼa xcholjel bʼa tʼusan bʼajtanto. Koʼye ja bʼa autobús sok skʼelawe ja oraʼik wa x-ajyi ja reunionik ja bʼa tuktukil kongregasyonik wa x-ochye ja bʼa Naʼits bʼa Tsomjelal jaw.

Ja chabʼ ixuk wajye june ja bʼa reunion. Yajni ochye ja bʼa Naʼits bʼa Tsomjelal, ¿maʼ bʼajtan yilawe? ¡Jaʼa Helen! Wego snaʼawe sbʼaj ja stsenel ja kermanatiki. Ja Helen wa xyala: «Yajni wane mojxeljan ja bʼayoni, xiwyon tʼusan. Jpensaraʼan bʼa bʼobʼta ayni jas mi lekuk jkʼulunej». Pe ja akʼixuki xcholowe yabʼ ja Helen ja jas ekʼeli.

Xchabʼile jelni skʼulane gusto ja reunioni sok ja ajyele soka hermanoʼik; yabʼye lajansok teye bʼa snaje. Yajni ja ixuke it yilawe ja hermanoʼik wane sakʼjel ja Naʼits bʼa Tsomjelal ja yajni chʼak ja reunioni, skʼapa sbʼaje oj koltanuke. Masan jaw, june bʼa yeʼnle mixa teyuk ja bʼa paisi, pe ja juni kʼe wajuk ja bʼa reunioniki sok skʼulajel estudiar ja Biblia... ¡jani stsʼakatal yuj jun tsenel!