Jitsan hermano wa xyawe makunuk ja JW Library® bʼa oj spaklaye ja jastik wa x-ilxi ja bʼa reunionik, sok jelni xyiʼaje gusto yuja tojxta wa x-ijiye bʼa kada artikulo ja bʼa Ja Juʼun Cholumani. Pe jitsan ekʼele Ja Juʼun Cholumani bʼa spaklajel wa xyiʼajan tuk artikuloʼik bʼa cha kʼotelni waʼelalik bʼa Dyos. Seguro mini xa kʼana oja chʼaye. ¿Jastal oj bʼobʼa taʼe?

• Bʼa kada xchʼakulabʼil ja artikuloʼik bʼa Ja Juʼun Cholumani, wa xtax ja xetʼan «Otros artículos» sok ja bʼa yibʼel tey ja link «Contenido de este número». Ta abʼatsayi ja link, oja taʼ jun lista bʼa yibʼanal ja artikuloʼik ja bʼa rebista. Mini kechanukta ja artikuloʼik bʼa spaklajel, (bʼa ti yiʼojan ja yolomajel sok ja snumeroʼil), cha ojni bʼobʼa taʼ ja tuk artikuloʼik wa xyiʼajani. Tsaʼa ja bʼa waxa kʼana oja kʼumuki sok bʼatsayi ja bʼa yolomajel.

• Cha ojni bʼobʼ wajan ja bʼa xetʼan «Lo nuevo» ja bʼa skʼeʼulabʼil ja JW Library sok yajel koʼuk Ja Juʼun Cholumani bʼa mas ajkʼachto. Jama ja rebista waʼunej koʼuk sok kʼela ja jastik yiʼojan bʼa jachuk oj chʼaka kʼumuk.