Ja nantatalik ayiʼoje ja niwan cholal bʼa sjejelyi ja yuntikile sbʼaja Jyoba (Efes. 6:4). Bʼa skoltajele ja bʼa cholal it, ja xchonabʼ ja Jyoba yaʼunej el tuktukil tikʼe impormasyon. ¿Jastal oj bʼobʼ wa el lek slekilal ja it?

• Leʼa ja impormasyon. Ja bʼa sitio bʼa jw.org naka tey tiw ja jas elelxa sbʼaja yal untik sok sbʼaja keremtik akʼixuk, bʼa ti chʼikan ja bideoʼik sok ja hojas de actividades. a Bʼa oja taʼ bʼaya, kaʼax ja bʼa «Sjejelik bʼa Biblia» sok tsaʼan ja bʼa «Untik» ma «Keremtik akʼixuk».

• Tsaʼa jas impormasyon mas lek oja paklaysok jawa wuntikili. Ja bʼa xetʼan «Niños», oj bʼobʼa tsaʼ ja aʼtelik mas lek oj makunukyuj jawa wuntikil. Oja taʼ jujuntik sjejel ja bʼa «Ideas para la adoración en familia».

• Loʼilanansok jawa wuntikil sbʼaja impormasyon. Mok wa makunuk ja bideoʼik sok ja aʼtelik kechanta bʼa latsan oj ajyuke. Mas lek paklaysok sok koltay bʼa oj kʼot yamigoʼuk ja Jyoba.