Tʼilaniʼa. Ta mey jun meran rason sbʼaja jasa kʼulaxeli, ojni kʼulaxuk jun comité judicial. Pes ja jasa kʼulaxi wa xchiktes bʼa koʼye bʼa jun mulal bʼa stajel sbʼaje (1 Cor. 6:18).

Ja kʼole ansyano oj spaklaye lek xentik yaman ja jasa ekʼeli bʼa oj yil-e ta oj kʼulaxuk jun comité judicial. Jujuntik sjejel: ¿wan maʼ skʼana sbʼaje? ¿Tʼilan maʼ axel yile rason yuja jastal wa xyiʼaj sbʼajeʼi? ¿Jas yuj ekʼyujile lajan ja akwal bʼa junta naʼits? ¿Yuj maʼ xchapunejexa bʼajtan? ¿Yuj maʼ ekʼ jun jasunuk bʼa mi jas xbʼobʼ skʼuluke, jastal jun jasunuk mi jaʼ wanuke smajlajel ma jun emergencia, bʼa ijiye oj ekʼyujile lajan ja akwal bʼa junta naʼits? (Ecl. 9:11). ¿Bʼa kan wayuke? Yuja jujune ja bʼa ekʼeleʼik jaw naka tuktukil, bʼobʼta ayni tuk jastik junuk tʼilan bʼa oj spaklaye ja ansyanoʼiki.

Yajni ja kʼole ansyano snaʼawe stojolil ja jasa ekʼeli, oj spensaraʼuke ta tʼilan oj kʼulaxuk jun comité judicial.