Yujni ja tsatsal wokoliki wani xbʼobʼ sjom ja jsakʼaniltik bʼa tuktukil modo.

• Yajni wa x-ekʼ wokolik, ja kristyanoʼiki wa skʼulan sbʼaje estresar, sok yuja jitsan tyempo wa xyabʼ estresado aye masni tikʼan wa xmaloʼaxiye.

• Ayni ekʼele ja loktorik mixa janekʼ xlajxiyujile sok mixa ay lek anik bʼa jpetsaniltik.

• Ay ekʼele ja kristyanoʼik mey yiʼoje lek takʼin bʼa stajel ja jastik tʼilan, jastal ja waʼelal ma ja aniki.

• Ja tsatsal chameli sok ja estrés wani xbʼobʼ yiʼa skʼulajel jastik mi lekuk ja bʼa wa sakʼanili. Ja it mastoni oj ya maloʼaxan.

• Ta mixa wayi stʼilanil ja wokolik ja bʼa wa sakʼanil, ojni ipaxuk mas asta xiwela sbʼaj oj ya ajyuk jawa sakʼanil.

• Ta lek aya, ojni bʼobʼa tsaʼ lek ja jas oja kʼuluk ja bʼa ekʼeleʼik jel wokoli.

• Chikan janekʼ takʼina wiʼoj, ayni jastik oj bʼobʼa kʼuluk bʼa stalnajel jawa sakʼanili.

Ja maʼ bibo ayni jas wa xbʼobʼ skʼuluk bʼa mi jas xiwela sbʼaj oj ekʼ sbʼaj. Ja yuj, ta waxa kʼana mi jel oj maloʼaxan ma oj syama jun tsatsal chamel, talnay jawa sakʼanil sok aʼajyuk asyado jawa naji. Masni lek stalnajel jawa sakʼanili ke yuja oj maloʼaxan.

«Yuja wa xtalnay jbʼajtikon bʼa ajyel sak sok yajel ajyuk sak ja jnajtikoni masni mi xchʼakatikon takʼin wajel bʼa loktor sok bʼa anik» (Andreas). a