Ajyel sakʼan bʼa jun luʼumkʼinal bʼutʼel wokol wani xbʼobʼ sjom-otik sok ja bʼa jastal ay wa xkabʼtiki. Jitsan ja bʼa matik wan ekʼel sbʼaje wokol chʼayta yujile ja smajlajeli. ¿Jasa wa x-ekʼi?

• Jujuntik mixa skʼana oj spensaraʼuke ja bʼa tyempo jakumi.

• Tuk ti wa sleʼa skoltajele bʼa trago ma bʼa droga.

• Jujuntik mixa skʼana oj ajyuke sakʼan sok wa xyalawe: «¿Jas yuj ojto jkʼul luchar?».

• Bʼobʼta jujuntik jawa wokolik ekʼum bʼej ita, sok ojni tukbʼuk bʼa junta chʼaykʼujol.

• Ta mi xtukbʼi, ayni jas wa xbʼobʼa kʼuluk bʼa oj kuchukawuj.

• Ja Biblia wa skʼapa ojtoni tojbʼuk bʼa tolabida ja wokolik.

Ja Biblia wa xyala: «Nunka mok chamuka kʼujolex sbʼaja jecheli, yujni ja jecheli pilan chamkʼujolik oj yijani. Malansok ja wokolik bʼa kada kʼakʼu» (Mateo 6:34).

Mok jel chamuka kʼujol ja bʼa tyempo jakumi, bʼa mixa oj bʼobʼ ya kʼuluk ja jas waxa kʼana.

Ja jel oj chamuka kʼujol ja jastik mi lekuk wa xbʼobʼ ekʼuki, kechanta oj yijanawi mas estrés sok oj xchʼay ja smajlajela wiʼoj.

Jun tsʼijbʼanum bʼa jun salmo yala ja it sbʼaja Dyosi: «Jawa wabʼali juni lámpara sbʼaja koki, sok jun ijlabʼ ja bʼa jbʼeji» (Salmo 119:105). ¿Jas kʼan yale?

Bʼa jun akwal, jun lámpara wani xbʼobʼ skoltayotik bʼa oj katik koʼuk ja koktiki. Junxtani, ja Biblia ayiʼoj lekil rasonik bʼa wa xya jnatik jas oj kʼuluktik yajni ay jas oj tsatik skʼulajel.

Jun ijlabʼ wa xyijlabʼan ja bʼeji bʼa wa xya kiltik ja bʼa wajumotiki. Cha junxtani, ja Biblia wa sjeʼakitik ja jas wa xmajlaytik ja bʼa tyempo jakumi.