Jani jaw ja jas yalawe jun kʼole paklanumik sbʼaja jastal wa xtukbʼi ja tyempo. Ta ja weʼn waxa kʼuʼan ke ay jun Kʼuluman sok wa xcham skʼujol bʼa keʼntik, ja yaljel jaw sbʼaja científicoʼik bʼobʼta wani xya pensaraʼuk ja bʼa tuktukil modo ke ja Dyos skʼulan ja Luʼumi bʼa yeʼnta wa xbʼobʼ stojbʼes sbʼaj.

Pe yuja kristyano jelxa sjomunej ja Luʼumi mixani jel xbʼobʼ stojbʼes sbʼaj stuchʼil. ¿Jas yuj wani xbʼobʼ jkʼuʼuktik lek ke ja Dyos ayni jas oj skʼuluk bʼa stalnajel ja Luʼumi sok ja jastik sakʼan ayi?

Ja tekstoʼik tey ja bʼa recuadro wani xchiktes ke ja Luʼumi mini oj chʼayjuk snajel sok tolanibida oj ajyuk sakʼanil.

• Ja Dyosi skʼulan ja Luʼumi. «Ja kʼe kujlajuki, ja Dyosi skʼulan ja satkʼinaliki sok ja luʼumi» (Génesis 1:1).

• Ja Dyosi yeʼnani sbʼaj ja Luʼumi. «Ja Jyoba a yeʼnani sbʼaj ja luʼumi sok yibʼanal ja jas ayi» (Salmo 24:1).

• Ja Dyosi skʼulan ja Luʼumi bʼa mi oj chʼaysnajel. «Yeʼn yaʼunej kulan ja luʼumi ja bʼa slugari; mini oj ajuk nijkuk ja bʼa slugari bʼa tolabida» (Salmo 104:5).

• Ja Dyosi wa skʼapa ke tolabida oj ajyuk swinkil ja Luʼumi. «Ja Dyos smeranili, ja Maʼ stojbʼes ja luʼumi [ ...], ja yeʼn mi lom ita skʼulan, stojbʼes bʼa oj ajyuk swinkil» (Isaías 45:18).

• Ja Dyosi wa skʼapa ke ja Luʼumi tolabida jaʼ oj sbʼajuke ja kristyano. «Ja matik toji oj sbʼajuke ja luʼumi sok ti tiw oj ajyuke sakʼan bʼa tolabida» (Salmo 37:29).

Stsʼakatal yuja bʼa tuktukil modo skʼulunej ja Dyos ja Luʼumi, wani xbʼobʼ aʼtijuk lek ta ja kristyano wa stalnaye. Jastalni yalunejxakan ja Biblia, ja Jyoba stsaʼatani ja styempoʼil oj xchʼaysnajel ja jastik sjomunej ja Luʼumi (Apocalipsis 11:18).

Ja Biblia wa skʼapa ke yajni x-ekʼ ja it, ja Dyosi oj stojbʼes ja Luʼumi, oj ya pax jun tsamal lugar sok oj sjam ja skʼabʼi bʼa oj yayi «ja jasa wa skʼana spetsanil ja jastik sakʼani» (Salmo 145:16).