LA KATIK LAMXUK JA ESTRES
¿Oj maʼ bʼobʼ ajyuk jun jsakʼaniltik bʼa mey estres?
Ja snajelil bʼa Biblia wa skoltayotik bʼa mi jel oj kʼul jbʼajtik estresar. Ja keʼntiki mi xbʼobʼ jchʼaytik yibʼanal ja jas wa skʼulanotik estresari, pe ja jKʼulumantiki waniʼa. Chomajkil, ayxani maʼ stsaʼunej bʼa oj skoltayotik, ja Jesukristo. Ja Jesús ojxtani yakan bʼa oj ekʼ jastik jel chaʼanyabʼal bʼa yibʼanal ja Luʼumi jastik junuk bʼa mini skʼulan ja yajni ajyi jastal kristyano ja bʼa Luʼumi. La kiltik jujuntik.
JA JESÚS OJ YA TOJBʼUK JA MATIK MALOʼAYI
«Wa x-ijijanyi spetsanil ja matik maloʼayi [...]. Jaxa yeʼn wa xya tojbʼuk» (MATEO 4:24).
JA JESÚS OJ YAʼ JNAJTIK SOK JWAʼELTIK
«Oj skʼuluke naʼitsik sok ti oj ajyuke tiw oj stsʼun-e yalajil uvaʼik sok oj sloʼe ja sati. Mi oj skʼuluke naʼitsik bʼa pilan maʼ oj ajyuk, sok mi oj stsʼun-e bʼa pilan maʼ oj sloʼe» (ISAÍAS 65:21, 22).
JA JESÚS OJNI BʼOBʼ YA AJYUK LAMANIL JA BʼA LUʼUMI SOK MIXA JAS OJ EKʼUK
«Ja bʼa skʼakʼujiki ja maʼ toji oj nichinuk, sok jelni oj ajyuk ja lamanili masan ja luna mixa oj ajyuk. Yeʼn oj ya mandar bʼa yibʼanal ja mari, sok man Yok Jaʼ masan ja bʼa stikʼanil ja luʼumi. [...] sok ja skontraʼiki oj sloʼe ja tsʼubʼil luʼumi» (SALMO 72:7-9).
JA JESÚS OJ XCHʼAY-EL JA JASTIK BʼA MI TOJUKI
«Ja yeʼn oj snaʼ syajulal ja maʼ chʼin wa xyaʼa sbʼaji sok ja pobreʼi, sok ja sakʼanil ja matik pobre, ja yeʼn oj skoltay. Oj ya el libre ja bʼa tʼenwanel sok ja bʼa spekʼjel chikʼi» (SALMO 72:13, 14).
JA JESÚS OJ XCHʼAY-EL JA WOKOLI SOK JA CHAMELALI
«Mixani oj ajyuk chamelal, mixani tristeʼil, mini mebʼa okʼel sok mini syajal» (APOCALIPSIS 21:4).
