1. Terremotoʼik
1. Terremotoʼik
«Oj ajyuk tsatsal terremotoʼik» (LUCAS 21:11).
● Ja equipo b’a wa xya ekʼ notisyaʼik b’a jun canal b’a telebisyon yabʼye jun alalanel bʼa jel tʼusan xchiknaji bʼa yibʼel ja mokʼel naʼitsik yajni wane xcholjel sbʼaja desgrasya ekʼ ja bʼa Haití. Yeʼnani ja Winnie, jun yal akʼix bʼa ayto yiʼoj jun jabʼil sok snalan, bʼa koltaji. Ja yeʼn kan sakʼan ja bʼa terremoto, pe ja snantati miyuk.
¿JASA WA SJEʼA JA JAS EKʼELI? Ja terremoto bʼa 7 ja yipalil ke yixtalan ja Haití ja bʼa enero bʼa 2010, chamye mas ja 300,000 kristyanoʼik sok 1,300,000 wegoxtani chʼayujile ja snajeʼi. Ama jel ixtalani ja terremoto, mini ja kechanta ekʼ ja bʼa luʼumkʼinali. Ja bʼa abril bʼa 2009 man bʼa abril bʼa 2010 ajyi mojan junuk 18 tsatsal terremotoʼik.
JA JAS WA XYALAWE. Mi yuj masxa wa x-ekʼ terremoto ja wego yuja ajyi. Jani yuja aparatoʼik mas chapani masxa wa xbʼobʼ ya jnatik.
¿AY MAʼ STOJOL JA JAS WA XYALAWE? La ka tʼabʼan jkʼujoltik ke ja Biblia mi wa xyala janekʼ terremoto oj ekʼuk ja bʼa tsaʼanikxta kʼakʼu. Ja jas wa xyala ke «tsatsal terremotoʼik» oj ekʼuk «bʼa tuktukil lugar», ja yuj ja it juni jasunuk jel oj chijkajuk ja bʼa kʼakʼujik it (Marcos 13:8; Lucas 21:11).
¿JAS WAXA PENSARAN? ¿Wan maʼ ekʼel tsatsal terremotoʼik, jastalni yalaxakan ja Biblia?
Ja terremotoʼik bʼobʼta mini jun pruebaʼuk bʼa wa sjeʼa ayotikxa ja bʼa tsaʼanikxta kʼakʼu; pe wani yajel kʼot smeranil bʼa jun jasunuk alubʼalxakan. La jpaklaytik pilan.
[Xcholjel]
«Ja matik wa xpaklaytikon ja luʼumi wa xkatikon sbʼiʼiluk tsatsal terremotoʼik. Pe sbʼaja tuk kristyano kechani jun jasunuk jel xiwela sbʼaj». (KEN HUDNUT, SERVICIO GEOLÓGICO DE ESTADOS UNIDOS)
[Bʼa eleli ti wax tax]
© William Daniels/Panos Pictures