4. Wan ch’ayel ja yajtanel b’a pamilya

«Mi yaj oj ilwanuke» (2 TIMOTEO 3:1-3).

● Ja Chris ti wan aʼtel bʼa jun kʼole bʼa kontra ay soka yajbʼesnel bʼa pamilya bʼa norte bʼa Gales. Ja yeʼn yala: «Jun kʼakʼu jak jun ixuk bʼa jelni makʼubʼal bʼa mixani ilbʼen». Cha yala: «Tuk ixuke wa xjakye jmoktikon jelxani ixtalanubʼale yuja jas wa x-aljiyabʼye bʼa mixani sjacha ja sniʼ sate».

¿JASA WA SJEʼA JA JAS EKʼELI? Jun país ja bʼa África, jitsan ixuke tʼenjiye bʼa wayel ja bʼa xchʼinile. Ja bʼa país jaw kʼulaxi jun paklaxel sok jitsan winik yalawe ke mini ay smaloʼil ja wa smakʼawe ja xcheʼume. Pe mini kechanuk wa x-ixtalajiye ja ixuki. Jun sjejel, ja bʼa Canadá jitsan winik makʼubʼale ma ixtalanubʼale yuja xcheʼume.

JA JAS WA XYALAWE. Tolabida ajyel ja ixtalanel bʼa pamilya, kechan ja wego masxa wa x-axiyi stʼilanil.

¿AY MAʼ STOJOL JA JAS WA XYALAWE? Ja bʼa tsaʼanikxta jabʼil, ja kristyano masxani kontra aye soka jaw. ¿Pe koltanel maʼ bʼa mixa oj ajyuk mas ja ixtalanel ja bʼa pamilya? Mini jelukxta. Ja mixa ayuk ja yajtanel ja bʼa pamilya masxa ipaxita.

¿JAS WAXA PENSARAN? ¿Wan maʼ kʼotel smeranil ja jas wa xyala ja 2 Timoteo 3:1-3? ¿Jitsan maʼ kristyano mi sjeʼaweyi ja yajtanel tʼilan oj sjeʼeyi ja spamilyaʼe?

Ja bʼa sjoʼil jas alubʼalxakan oj ekʼuki bʼa wa xkilatik wanxa kʼotel smeranil jani ti chʼikansok ja jnajtiki: ja Luʼumi. La kiltik ja jas wa xyala ja Biblia.

[Xcholjel]

«Ja ixtalanel bʼa pamilya wa xyalawe ke jani june ja bʼa mi jel xyaʼawe parte ja bʼa luʼumkʼinali. Jun ixuk bʼajtanto oj wa yalyabʼ ja policía wani stekʼa junuk 35 ekʼele ja yixtalanel ja smoji». (PORTAVOZ DEL SERVICIO DE AYUDA CONTRA EL MALTRATO DOMÉSTICO DE GALES)