5. Wan jomel ja luʼum

«[Ja Dyos oj] xchʼayjel snajel ja matik wane sjomjel ja luʼumi» (APOCALIPSIS 11:18).

● Ja Pirri wa xchono vino de palma ja bʼa Kpor (Nigeria), pe chʼayta ja yaʼtel jaw bʼa smakʼlajel sbʼaj yuja jel pekʼ ja petróleo ja bʼa delta del Níger. Ja yeʼn wa xyala: «Wa smila ja chayiki, wa xyixtalan ja jtsʼujmiltiki sok cha jachuk ja yok jaʼiki». Cha wa xyala: «Mey pilan kaʼtel bʼa smakʼlajel jbʼaj».

¿JASA WA SJEʼA JA JAS EKʼELI? Jastalni wa xyala ja matik jel chapani, kada jabʼil wa xjipji 6 miyon sok snalan tsʼilel ja bʼa mari. Ja bʼa tsʼilel jaw junuk 50% plastico bʼa ojni albʼuk jitsan 100 jabʼil bʼa ti oj chʼakuk. Ja kristyano mini kechan wane sjomjel ja luʼumi, cha wegoni wane xchʼakjel ja yaʼtele bʼa smakʼlajel sbʼaje. Ja matik jel chapani wa xyalawe ke ja luʼumi wa skʼana 17 ixaw bʼa yajel lokʼolaxuk ja jas wa xchʼaka bʼa jun jabʼil ja kristyano. «Ta jitsanbʼi mas kristyano sok kʼe kʼulaxuk necesitar mas ja swaʼele, ojxani jkʼantik chabʼ Luʼum ja bʼa jabʼil 2035», jach wa xcholo ja periódico australiano Sydney Morning Herald.

JA JAS WA XYALAWE. Ja kristyano chapani ay sok ayni yiʼoj ja snajel bʼa stojbʼesel ja wokoliki sok skoltajel ja jLuʼumtiki.

¿AY MAʼ STOJOL JA JAS WA XYALAWE? Stsʼakatal yuja jitsan kristyano jel wane yajel parte ke jel wan kuxbʼel sok ixtalaxel ja Luʼumi, jitsan masxa wa sleʼawe modo soka stsʼilele sok ja jastik wa skʼulane. Pe ama jachuk, ja Luʼumi jeltoni wan jomxel.

¿JAS WAXA PENSARAN? ¿Tʼilan maʼ oj xchʼik sbʼaj ja Dyos sok skoltajel ja jastal jelxa jomel ja Luʼumi, jastalni skʼapunej?

Pe mini kechanuk ja joʼe it jas alubʼalxakan oj ekʼuk, ja Biblia cha yalaxakan oj ekʼ jastik junuk bʼa lek ja bʼa tsaʼanikxta kʼakʼujik. La kiltik jun sjejel.

[Xcholjel]

«Ja ajyi ay kiʼoj jun xetʼan tsamal lugar pe ja wego junxa xetʼan bʼa wa xjipxi tsʼilelik bʼa jel xyaʼa malo». (JA SKOMENTARIO JA ERIN TAMBER, BʼA TI SBʼAJ BʼA COSTA SUR DE ESTADOS UNIDOS, SBʼAJA SWOKOLIL YIʼAJAN JA PEKʼ JA PETROLEO JA BʼA 2010 JA BʼA GOLFO DE MÉXICO)

[Rekuagro]

¿Yeʼn maʼ smul ja Dyosi?

Yuja Biblia yalaxakan ja wokolik wa xkilatiki, ¿wan maʼ stojolan ke yeʼn smul ja Dyosi, ke wa xyakitik wokol? Oja ta sjakʼjelik ja bʼa kapitulo 11 ja bʼa libro ¿Jasa wa sjeʼakitik ja Biblia?, yaʼuneje eluk ja testigoʼik bʼa Jyoba.

[Bʼa eleli ti wax tax]

U.S. Coast Guard photo