6. Xcholjel bʼa sutanal ja luʼumi
6. Xcholjel bʼa sutanal ja luʼumi
«Jaxa lekil rasonik sbʼaja sGobyerno ja Dyosi ojni cholxuk bʼa yibʼanal ja luʼumi» (MATEO 24:14).
● Ja Vaiatea ti sbʼaj bʼa jun najat isla ja bʼa Pacífico, ja bʼa archipiélago bʼa Tuamotú. Bʼa tʼusan mey ja 80 isla spilunej sbʼaji bʼa ayiʼoj junuk 803,000 kilómetros ja sniwanili, kechan ayiʼoj 16,000 swinkil. Ama jachuk, ja testigoʼik bʼa Jyoba yulatanuneje ja Vaiatea sok ja sbesinoʼiki. ¿Jas yuj jel najat kʼotele? Yujni wa skʼanawe oj yiʼoje ochyi ja lekil rason sbʼaja sGobyerno ja Dyos spetsanil ja kristyano, ama chikan bʼa wa xtaxye.
¿JASA WA SJEʼA JA JAS EKʼELI? Ja rason sbʼaja Gobyerno kʼotelni bʼa spetsanil ja yal lugarik ja bʼa Luʼumi. Kechanta ja bʼa 2010, ja Testigoʼik spilawe tyempo bʼa xcholjel ja lekil rason bʼa mas ja 1,600 miyonik oraʼik bʼa 236 paisik territorioʼik. Ja it wa stojolan wa xcholowe 30 minuto kada Testigo ja bʼa kʼakʼu. Ja bʼa jabʼilik ekʼeljani yawe eluk sok spilawe mas ja 20,000 miyonik juʼunik elel bʼa Biblia ja bʼa campaña bʼa xcholjel wa skʼulane.
¿JA JAS WA XYALAWE? Ayxa jitsan mil jabʼil wan cholxel ja rason bʼa Biblia.
¿AY MAʼ STOJOL JA JAS WA XYALAWE? Ja smeranili jitsan kristyano sleʼuneje modo spukjel ja rason bʼa Biblia. Pe yibʼanal ja matik wa skʼulane kechanta bʼa tʼusan tyempo sok bʼa chʼin lugarik. Jaxa ja testigoʼik bʼa Jyoba wa skʼulane jun campaña bʼa xcholjel bʼa yibʼanal ja Luʼumi bʼa wa xkʼot sbʼaj jitsan miyon kristyano. Sok mini yaʼunejekan skʼulajel ama jel kontra aye ja organisacionik bʼa jel ja yipe sok mi snaʼawe yajulal (Marcos 13:13). Chomajkil, ja Testigoʼik wa spilawe ja styempoʼe bʼa xcholjel sok skʼapjel juʼunik bʼa sjejel, spetsanil ja jaw jach kʼebʼubʼal. Wa skʼulane ja yaʼtele soka donasyonik wa xyaʼawe sok spetsanil skʼujole ja testigoʼik bʼa Jyoba.
¿JAS WAXA PENSARAN? ¿Wan maʼ cholxel ja «lekil rason sbʼaja Gobyerno» bʼa sutanal ja luʼumkʼinali? ¿Wan maʼ stojolan yuja wan kʼotel smeranil ja jas alubʼalxakan it ke ay jas mas lek wa smajlayotik ja bʼa tyempo jakumi?
[Xcholjel]
«Man bʼa tikʼan oj ya kʼotuk ja Jyoba, mini oj katikan xcholjel gusto lek ja lekil rasonik, yajel makunuk chikan jasa bʼa kʼotel soka kristyano». (JA ANUARIO DE LOS TESTIGOS DE JEHOVÁ 2010)