YOLOMAJEL JA BʼA SPATIKI | JASTAL YAJEL LAMXUK JA JITSAN CHAMKʼUJOLILI
Jitsan chamkʼujolil yuja takʼini
«Yajni ja bʼa jpaistikoni chʼak kʼeʼuk stsʼakol ja jastik junuki, och tʼusanbʼuk ja waʼelali sok jelxa chaʼan stsʼakol», xchi ja Paul, nupanelxa sok ayxa chabʼ yuntikil. «Wa x-ekʼ oraʼik ja wa xcholo jbʼajtikoni, sok ayni mixa ay waʼelal ja wala eltikon kʼoti. Ja ixuk winiki jelxa yokeleʼi sok ti wa xmokʼye bʼa calle. Ja stsʼakol ja jastik mas tʼilaniki wegoxta kʼeʼi sok kʼot staʼ bʼa miyon, tsaʼan bʼa jitsan miyon; man ja takʼini mixa xmakuni. Chʼak jchʼay ja jas kiʼoj bʼa banco, ja jseguro soka jpensioni.»
Paul
Ja Paul wa snaʼa bʼa oj ekʼyuj ja sakʼanil ja spamilya, tʼilani ay jas oj skʼuluk (Proverbios 3:21). Ja yeʼn yala: «Jelni xnaʼa skʼulajelik aʼtel bʼa luz, pe ojni jyam chikan jas aʼtel xtaʼa, anima mas tʼusan la tupjiyon yuja ajyi. Jujuntik wa stupuwone sok waʼelal ma jastik junuk bʼa naʼits. Jun sjejel, ta ajiki chane jabón wa xkiʼajkan chabʼe sok wa xchono ja chabʼeʼi. Bʼa jun ekʼele, jtaʼa 40 yal gayina sok ka kʼiʼuk. Yajni kʼiyeʼi, jchono sok cha jmana 300. Tsaʼan kaʼa kambio, kaʼa 50 gayina sok ajiki chabʼ koxtal harina bʼa ixim bʼa ayiʼoj 50 kilo. Soka chabʼ koxtal jaw bʼobʼ jmakʼlay ja jpamilya sok tuk ixuk winik bʼa jitsan tyempo».
Ja Paul wa snaʼa ja jasa mas lek oj kʼulaxuki jani sjipjel jkʼujoltik bʼa Dyos. Yajni wa xkʼuʼantiki, ja Dyosi wa skoltayotik. Sbʼaja stajel ja jasa wa xmakunikujtik bʼa ajyel sakʼani, ja Jesús yala: «Mi lom xcham acʼujolex [...] ay jun aTatex huas snaa jasuncʼa huaxa cʼulanex nesesitari» (Lucas 12:29-31).
Tristeni yabʼjel, pe ja mero skontra ja Dyosi, ja Satanás, sloʼlunej jitsan ixuk winik bʼa oj yil-e ja jasa mas tʼilan ja bʼa sakʼanileʼi jani slejel jastik junuk. Mixa snaʼa jas oj skʼuluke bʼa stajel ja jas wa xmakuni yujileʼi, anima jastik bʼa meran ma bʼa kechanta wa spensarane, sok wa xchʼaka sbʼaje bʼa stajel jastik junuk bʼa mini meran oj makunuk yujile. Proverbios 22:7).
Jitsan wa xyawe kʼeʼuk sjele sok ti wa xyabʼye stojolil «ja maʼ wa skʼana majan takʼini mosoni ay soka maʼ skʼanayi ja takʼini» (Jujuntik mini lekuk ja jas skʼulaneʼi. Ja Paul wa xyala: «Jitsan ja matik wa xnaʼa sbʼaji wa xyakan ja spamilya soka yamigoʼe bʼa wajel pilan país bʼa slejel oj ekʼyujile mas lek ja bʼa sakʼanileʼi. Yuja jujuntik mey sjuʼune bʼa oj bʼobʼ skʼuts-e tuk país, mini staʼa yaʼtele. Ay ekʼele tʼilan oj snakʼ sbʼaje yuja policía ma wa xkan wayuke bʼa calle. Mini yaʼawekan akoltajuke yuja Dyosi. Soka skoltanel ja Dyosi, ja keʼntiki wani xleʼatik modo kuchelkujtik lajan ja wokolik soka jpamilyatiki».
JA RASON YAʼA JA JESÚS
Ja Paul wa snochoyi ja sloʼili: «Ja Jesús yala: ‹Jach ni ja tiempo oj to jacuqui, mix cham acʼujolex. Mi sbejuc najtil tiempo ja hua pensarexi. Cʼacʼu cʼacʼu huan eqʼuel ahuocolexi›. Ja yuj, ja keʼn tikʼan wa xkʼanayi ja Dyos ja jawi: ayakitikon ja jwaʼeltikon ja bʼa kʼakʼu jaw. Sok ja jastalni mero yala ja Jesús, ja Dyosi wa xya kʼotuk ja jasa wa skʼapa. Meran, mini tolabida wa xtaʼatikon ja jasa mas wa xkʼulantikon gusto. Bʼa jun ekʼele, wanon xcholjel jbʼaj bʼa jun tienda, pe mini xnaʼa jasa wa xchonji. Yajni elyon kʼoti, kila wa xchonji yogur. Mi xkʼulan gusto ja yoguri, pe waʼelal sok jani jaw ja jasa kabʼtikonkan ja bʼa akwali. Jel wa xkayi tsʼakatal ja Dyosi yuja bʼa tyempoʼik jaw ja jpamilya ayni jas wa xyabʼyekan bʼajtanto oj waj wayuke». *
Ja Dyosi wa skʼapa «mi ni nunca oj xchʼayotic scʼujol. Yuj ni oj yilotic tola vidaa». (Hebreos 13:5)
«Ja wego maxani ay tʼun kala takʼintikon. Stsʼakatal soka jasa jnebʼatikonjani, wa xkilatikon ja jasa mas lek bʼa mi jel oj chamjkʼujoltiki jani sjipjel jkʼujoltik bʼa Jyoba. * Ta wa xkʼulantik ja jasa wa skʼana, ja yeʼn tolabida oj skoltayotik. Kilunejtikon merani lek ja yaljelik wa xtax bʼa Salmo 34:8: ‹Abʼan sok ila ja Jyoba jel lek; gusto aʼajyuk ja winik maʼ wa sleʼa skoltajel bʼa Yeʼna›. Ja yuj, mixani jel wa xcham jkʼujoltikon ta ekʼ jbʼajtikon pilan wokol jastal ja it.»
Ja Jyoba ojni skoltay ja matik toji bʼa oj staʼ ja swaʼel ja bʼa «yaan cʼacʼu»
«Ja jasa wa xkʼanatik bʼa ajyel sakʼani mi jaʼuk ja aʼteli sok mini ja takʼini, jani ja waʼelali. Ja yuj, jelni wa xkʼanatik aʼeljul ja kʼakʼu bʼa akʼotuk ja yaljelik it: ‹Oj ajyuk jitsan sat jastik junuk ja bʼa luʼumi›. Malan xkʼot ja kʼakʼu jaw, la ajyukotik gusto ta ay jwaʼeltik sok jkʼutik. Ja Biblia wa xyala: ‹Mi jauc ja jaʼ oj huaj acʼujol soc ja taqʼuini. Ajyanic gusto soc ja janecʼ ahuiojexi porque ja Diosi yalunej que mi ni nunca oj xchʼayotic scʼujol. Yuj ni oj yilotic tola vidaa›. * Ja skʼapjelik it jelni wa snika jkʼujoltik.»
Wani skʼana oj ajyukujtik lek skʼuʼajel bʼa oj katikan a-stojotik ja Dyosi, jastalni skʼulan ja Paul soka spamilya (Génesis 6:9). Anima ja bʼa jkʼakʼutiki ma bʼa tyempo jakumto x-ekʼ jbʼajtik wokolik jastal ekʼ sbʼaja Paul, wani xbʼobʼ jnebʼtik jitsan sbʼaja yeʼn soka jastik skʼulani.
Pe ¿jaxa ta jel xcham jkʼujoltik sbʼaja wokolik wa x-ekʼ ja bʼa pamilya?
^ par. 9 Kʼela ja Mateo 6:11, 34.
^ par. 10 Ja Biblia wa xyala ja Dyosi sbʼiʼil Jyoba.
^ par. 11 Kʼela ja Salmo 72:16; 1 Timoteo 6:8; Hebreos 13:5, 6.