YOLOMAJEL JA BʼA SPATIKI | ¿MACHUNKILUK JA TAʼUMANTIʼIK BʼA JYOBA?
¿Jas tikʼe ixuk winikotikon?
Kʼole ixuk winikotikon bʼa yibʼanal ja luʼumi sok mini chʼikanukotikon sok tuk relijyonik. Ja opisinaʼik bʼa yechalil skʼeljel ja kaʼteltikoni ti wa xtax bʼa Estados Unidos. Pe tʼusan mi spetsaniluk ja Taʼumantiʼiki tini kulanotikon bʼa tuk paisik. Pes bʼa yibʼanal ja luʼumi ayotikon junuk waxake miyon, sok wa xkatikon sjejelik bʼa Biblia bʼa mas ja 230 país sok lugarik. Jachuk wa xkʼulantikon ja jasa yala ja Jesús: «Jaxa yajcʼachil loil it jastal huan xa scʼulajel mandar ja Diosi, [...] oj chʼac pucxuc ja ba spetzanil ja lugari» (Mateo 24:14).
Chikan bʼa kulanotikon, wani xkisatikon sok wa xkʼuʼantikon ja leyik bʼa paisi, pe mini xchʼika jbʼajtikon bʼa politika. Jachuk wa xkʼuʼantikon ja mandar yaʼakanyi ja snebʼumanik ja Jesús yajni yala: «Mi sbajuque ja mundo». Ja yuj, mini xchʼika jbʼajtikon ja bʼa politika cha mini ja bʼa kʼakʼaneli (Juan 15:19; 17:16). Yuja it, ja yajni ekʼ ja xchabʼil kʼakʼanel bʼa yibʼanal ja luʼumi jitsan taʼumantiʼik bʼa Jyoba lutjiye, ixtalajiye sok jujuntik miljiye. Jun winik bʼa Alemania waj obispoʼil yala kechantani ja taʼumantiʼik bʼa Jyoba mini xchʼika sbʼaje ja bʼa Alemania nazi.
«[Ja taʼumantiʼik bʼa Jyoba] ayiʼoje jun ipal ja bʼa smodoʼe bʼa jel tsats juntiro. Ojni bʼobʼ katikon makunuk ja ixuk winike jastale jaw bʼa ayiʼoj lekil skʼujole man ja bʼa niwan cholalik bʼa politika, pe mini oj kʼokxuke kujtikon bʼa oj syam xchole. [...] Wa skisawe ja cholal yiʼoje ja gobyernoʼiki, pe wa skʼuʼane kechanta ja sGobyerno ja Dyosi oj bʼobʼ stojbʼes spetsanil ja wokolik yiʼoj ja ixuk winiki.» (Ja peryodiko bʼa Nová Svoboda, República Checa)
Ja jaw mi wa stojolan mi xkʼumantikon ja ixuk winiki. Ja Jesús skʼanayi bʼa orasyon ja Dyosi: «Mi huax cʼana hui ba oj hua eluque ja ba mundo» (Juan 17:15). Ja yuj, wala aʼtijitikon, wa xmanatikon jastik junuk sok wajel bʼa eskwela jastalni ja jbesinotikoni.
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jas yuj ja taʼumantiʼik bʼa Jyoba mi xchʼika sbʼaje bʼa politika?
¿Ay ama smaloʼil sbʼaja paisi yuja mi xchʼika jbʼajtikon ja bʼa politika?
WA XCHOLOTIKON JA YABʼAL JA DYOSI
Ja jastal pojxel ja taʼumantiʼik bʼa Jyoba bʼa mini ilxeluk ajyi
Bʼa agosto bʼa 2014, ayxa mas ja 8 miyon taʼumantiʼik bʼa Jyoba. ¿Jastal pojxeljan ja Taʼumantiʼik man ja bʼa sbʼajtanil kʼakʼanel ekʼ bʼa yibʼanal ja luʼumi?
