Abʼan stojol ja jasa mero kʼotel ja skʼeljel ixuk winik bʼasane. Skʼeljel ixuk winik bʼasane jani wa xya tsʼujuk ja chaʼanyabʼalil yiʼoj jun jasunuk skʼulunej ja Dyos bʼa tʼilan oj kisxuk. Snajel ja it oj skoltaya bʼa oja wijnay ja jas mi lekuki (Salmo 97:10).

 Pensaraʼan ja swokolili. Skʼeljel ixuk winik bʼasane wa xya tsʼujuk ja jastal chaʼanyabʼalile ja matik wa sjeʼa sbʼajeʼi soka matik wa skʼela. Yuj jun rason bʼa lek, ja Biblia wa xyala: «Ja maʼ wa spensaran leki wa xyila ja jas xiwela sbʼaji sok wa snakʼa sbʼaj» (Proverbios 22:3).

 Tsaʼa ja jasa mero oja kʼuluki. Kʼulan ja jastal skʼulan ja Job, jun winik bʼa toj ajyi sok yala: «Jkʼulunej jun akwerdo soka jsati. Sok ja yujil, ¿jastal modo oj bʼobʼ okʼ jkʼujol jun soltera?» (Job 31:1). ¿Oj maʼ bʼobʼa kʼul jun akwerdo ja weʼn? Ja il wa xbʼobʼa taʼ jujuntik:

•  Mok ochan bʼa Internet ta atuchʼil.

•  Lutu wego ja paginaʼik ma anunsyoʼik bʼa jaʼ wa sjeʼa sbʼaja jaw.

•  Ta koʼya pilan ekʼele skʼeljel, alayabʼ juna wamigo bʼa takʼanxa.

 Ayi orasyon sbʼaja jaw. Jun tsʼijbʼanum ja bʼa Salmos skʼanayi ja Jyoba Dyos: «Sutu ja jsat bʼa mok skʼel ja jas mi xmakuni» (Salmo 119:37). Ja Dyos wa skʼana oj skoltaya, ta waxa wayi orasyon ja yeʼn, oj yawi ja ipal wa xmakuni awuji (Filipenses 4:13, Ja yajkʼachil sju‘unil ja dyosi).

 Alayabʼ maʼ pilan. Bʼa oj skoltaya oj elan soka jas wan ekʼelabʼaji alayabʼ juna wamigo bʼa takʼanxa (Proverbios 17:17).

 Ajuluka kʼujol: ja ekʼelik mixa kʼana oja kʼel ixuk winik bʼasane, wana skʼulajel ganar jun tiroʼanel. Alayabʼ ja Jyoba yuja akʼulan ganari, sok ayi tsʼakatal yuja skoltaya. Jelni oja wa gustoʼaxuk ja yeʼn ta awaʼakan skʼeljel ixuk winik bʼasane (Proverbios 27:11).