Miyuk.

 Ja smeranil, bʼa jitsan ekʼele yijel gusto juna moj winik ma moj ixuk ekʼum bʼejtani.

 Jani it ja jas kʼot snaʼ ja Lisette, bʼa 16 sjabʼil, bʼa och yi gusto jun akʼix. Ja yeʼn yala: «Ja bʼa jklase bʼa Biología jnebʼa yajni june wan solteroʼaxel, ja jastik kiʼojtik (hormonas) ja bʼa jkwerpotiki wa xkʼe tukbʼuk juntiro. Lekukxta wa snaʼawe ja keremtik akʼixuk ja jastal wa x-aʼtiji ja skwerpoʼe, ojni yabʼye stojol jawa xyiʼaje gusto jun smoj winik ma smoj ixuk ekʼum bʼejtaniʼa sok mini jel oj wajuk skʼujole yajelyi stʼilanil ta jachukexaniʼa (homosexual)».

 Pe ¿jaxa ta mi x-ekʼawuj ja jastal aya xa wabʼi? ¿Wan maʼ xa pensaraʼan mini tʼun snaʼa ayajal ja Dyosi yuja wa skʼanawi moka kis ja jastal aya xa wabʼi?

 Yujkʼa ajakʼa jachuk ja xchabʼil sjobʼjel it, tʼilani oja naʼ pakax ay ja pensar jaw: ja yajelabʼaj wego soka jas wa xkʼankʼuniyuj jawa kwerpo. Pe ja spensar yiʼoj ja Dyos sbʼaja ixuk winiki jelni chaʼanyabʼalil. Ja Biblia wa xyala, ta wa skʼana june, ojni bʼobʼ skom ja kʼankʼunel jaw (Colosenses 3:5).

 Ja jas wa xyala ja Biblia ayni lek stojolil. Junxta ja rasonik yaʼunej kujlajuk bʼa jpetsaniltik, ta june wa xyiʼaj gusto ja smoj winikil ma ixukil (homosexual) ma jun winik wa skʼulan gusto jun ixuk (heterosexual): «Jipahuic xa can jun lado ja sleejel ja mulal soc otro ixuqui [ma winiki]» (1 Corintios 6:18). Jitsan ixuk winik wa skʼanawe oj yiʼ ja sakʼanile ja jastal wa xyala ja Biblia wani skomo sbʼaje, ama jel tsats sok jel wokol bʼa yeʼnle. Jach junxta sok june maʼ wa xyiʼaj gusto jun smoj winik ma smoj ixuk oj bʼobʼ kuchyuj bʼa mok koʼuk yuja jaw sok ajyel gusto snochjel ja jastal kujlajelyuj ja Jyoba (Deuteronomio 30:19).