Tʼilaniʼa, yujni ja Dyos wa skʼana ke ja kristyanoʼik a-stsom sbʼaje bʼa atoyjuk. Ja Biblia wa xyala: «Altantoxta la ajyukotik soka tuki bʼa oj snikotik sjejel jbʼajtik syajal jkʼujoltik sok skʼulajel jastik lek, pe mokni katikan stsomjel jbʼajtik» (Hebreos 10:24, 25).

 Ja Jesús xchiktes ke ja snochumaniki ojni ajyuke lajan bʼa jun tsome yajni yala yabʼye: «Ta waxa yajta abʼajex, jach oj snaʼe yibʼanal kristyano ja weʼnlexi kʼotelex jnebʼumanik» (Juan 13:35). June ja bʼa modo mas tʼilan ke ja snochumanik ja Kristo oj sjeʼe ja yajalkʼujol it, jani ajyelsoke lajan tuk yaʼtijumik Dyos. Bʼa skʼulajel, tʼilani tsoman oj ajyuke bʼa kongregasyonik sok stsomjel sbʼaje tikʼan bʼa stoyjel ja Dyos (1 Corintios 16:19). Juntani lajan tsoman oj kʼotuke bʼa yibʼanal ja luʼumi (1 Pedro 2:17).

Aytoni jas mas wa skʼana bʼa mi kechanta ajyel bʼa jun relijyon

 Ja Biblia wa sjeʼa ke ja kristyanoʼik tʼilani oj stsom sbʼaje bʼa stoyjel ja Dyosi. Pe mini ay bʼa wa xtax bʼa wa xya kabʼtik stojol ke jun kristyano oj bʼobʼ stoy ja Dyos yuj kechanta tey bʼa jun relijyon. Jelni tʼilan ke ja it a-sjeʼ ja bʼa sakʼanili. Jun sjejel, ja Biblia wa xyala: «Ja bʼa stiʼ sat ja jDyostik sok ja jTatiki, ja modoʼal bʼa stoyjel sak sok bʼa mi yajel staʼ kux jani it: stalnajel ja mebʼaʼik sok ja biudaʼik ja bʼa swokoleʼi sok mok ajyukujtik ja skuxil ja luʼumkʼinal it» (Santiago 1:2).