¿Ja maʼ ya makunuk ja Dyos ja evolución bʼa skʼulajel ja tuktukil sakʼanil?
Ja sjakʼjel wa xyaʼa ja Biblia
Miyuk. Ja Biblia wa xyala jaman lek ke ja Dyos skʼulan ja kristyanoʼik sok ja tuktukil ‹tikʼe› sakʼanil, a jastal ja chanteʼik sok ja kʼulik (Génesis 1:12, 21, 25, 27; Apocalipsis 4:11). Cha wa xyala ke spetsanil ja kristyano tini el bʼa yintil Adán sok Eva (Génesis 3:20; 4:1). Ja Biblia mini skoltay ja skʼuʼajelik ke ja Dyos ya makunuk ja evolución bʼa skʼulajel ja tuktukil sakʼanil, ke ay ekʼele wa sbʼiʼilan evolución teística. Bʼa pilan modo, ja Biblia mini akuerdo ayuk ja bʼa jas yiluneje ja cientificoʼik sbʼaja tuktukil tikʼe sakʼanil ay wa xbʼobʼ ajyuk bʼa pilan sakʼanil. b
¿Jasa wa skʼuʼane jujuntik kristyano?
Ja yaljel evolución teística wani xbʼobʼ stojoluk bʼa tuktukil jastik junuk. Jastalni wa xyala jun Encyclopædia Britannica, wani xbʼobʼ stojoluk jun chante ma jun kʼul yajni mas lek wa xyabʼ soka bʼa jastik joybʼanubʼalyuji wani xbʼobʼ ajyuk jun yajkʼachil sakʼanil sok wa xpojxi.
Ja evolución teística cha tini chikan ja bʼa pensarik it:
Spetsanil ja jastik sakʼani tinibʼi eleljan bʼa matik ekʼ paxta bʼa ajyiye sakʼan jitsan tyempo.
Bʼa jun sakʼanil wanibʼi xbʼobʼ pax stuchʼil asta oj kʼot jun pilan sakʼanil bʼa tuk lek.
Sbʼaja pensarik it, yeʼn maʼ wa stojo ja Dyos.
¿Ja skʼuʼajel ja bʼa evolución wan maʼ slaja sbʼajsok ja jasa wa xyala ja Biblia?
Lek meranuk ja evolución teística, ja loʼil bʼa Génesis sbʼaja kʼulbʼeniki mini stojoluk ay. Pe ja Jesús staʼa tiʼal ja bʼa loʼil jaw bʼa merani jach ekʼel (Génesis 1:26, 27; 2:18-24; Mateo 19:4-6). Ja Biblia wa xyala, ke bʼajtanto oj jakuk ja bʼa luʼum ja Jesús, tini ajyisok bʼa satkʼinal ja Dyos sok skoltayni bʼa skʼulajel «yibʼanal ja jastiki» (Juan 1:3). Ja yuj, ja tikʼe pensarik ke ja Dyos ya makunuk ja evolución bʼa skʼulajel ja tuktukil sakʼanil mini slaja sbʼajsok ja jas wa sjeʼa ja Biblia.
Ja wa xtukbʼi tʼusan jujuntik kʼulik sok chanteʼik jastalni ja bʼa wa xtaxyeʼi. ¿Wan maʼ stojolan ja jaw ke ay ja evolución?
Ja Biblia mi xcholo bʼa man oj tukbʼuk jun tikʼe sakʼanil, cha mini bʼa jas tikʼe sakʼanil wa xbʼobʼ yiʼ wokol. Cha mini akuerdo ayuk ja pensarik ke ja chanteʼik sok ja kʼulik skʼulan ja Dyos ojni bʼobʼ yiʼe wokol yajni wa xpojxiye ma bʼa oj kʼajyuke jun yajkʼachil sakʼanil. Jujuntik wa xyilawe ja jastik wa xtukbʼi jun modo bʼa jastal sakʼanil bʼa evolución, pe ja smeranil ja bʼa jastik wa xtukbʼi mini wa xpax jun yajkʼachil sakʼanil.
a Ja Biblia wa xya makunuk ja yaljel tikʼe bʼa masni chikan stojol yuja yaljel tuktukil tikʼe jastalni wa xyawe makunuk ja cientifikoʼiki. Bʼa jitsan ekʼele ja cientifikoʼik wa xyawe sbʼiʼiluk evolución bʼa jun yajkʼachil sakʼanil bʼa jun ita tikʼe, bʼa jani ja yaljel wa xtax ja bʼa loʼil bʼa Génesis.
b Jun sjejel, wa sjeʼawe ke ja machini ojni bʼobʼ pax stuchʼile jastal winik.
Bʼobʼta cha ojni akʼul gusto
SJEJELIK JEL TʼILAN BʼA BIBLIA
¿Ay maʼ skʼulan ja sutsatkʼinali?
Ja jas wa xyala ja Biblia sbʼaja kʼulbʼeniki ayni mi x-abʼxi lek stojol ma asta oj bʼobʼ alxuk ke kechanta jun loʼil. Pe ¿stojol maʼ ay ja Biblia?
SJOBʼJELIK MAS TIKʼANIK WA X-AXI
¿Wan maʼ skʼuʼane ja taʼumantiʼik bʼa Jyoba ja Dyos skʼulan ja luʼum kechan bʼa wake kʼakʼu bʼa 24 oraʼik?
¿Wan maʼ xa naʼa ja weʼn ja jastik junuki mi kujlaji bʼa wake kʼakʼu bʼa ayiʼoj 24 oraʼik?
SBʼAJA KEʼNTIKONI
Kʼana maʼ oj yulataya
Naʼa ja sjakʼjel bʼa jun sjobʼjel bʼa Biblia ma naʼa sbʼaj mas ja testigoʼik bʼa Jyoba.