¿Ti maʼ ay bʼa jkʼujoltik ja sGobyerno ja Dyos?
Ja sjakʼjel wa xyaʼa ja Biblia
Ja sGobyerno ja Dyos mi jun jasunuk tey bʼa skʼujol ja snochumane Kristo. a Ja Biblia wa xchiktes jaman lek bʼa wa xtaxa, pes wa xya sbʼiʼiluk «ja Gobyerno bʼa satkʼinali» (Mateo 4:17). Chomajkil wa xcha sjeʼa wani stajel tiʼal bʼa jun meran gobyerno bʼa wanxa yajel mandar bʼa satkʼinal. La kiltik.
Ja sGobyerno ja Dyos ayiʼoj smandaranum, swinik sok sleyik, cha ayiʼoj ja mandar bʼa oj ya kʼotuk ja jas wa skʼana ja Dyos ja bʼa satkʼinali sok ja bʼa Luʼumi (Mateo 6:10; Apocalipsis 5:10).
Ja sGobyerno ja Dyos oj ya mandar spetsanil «ja lugarik, ja chonabʼik sok kʼumalik» ja bʼa Luʼumi (Daniel 7:13, 14). Mini jun gobyernoʼuk bʼa yeʼn stsaʼunej ja kristyano; yeʼnani stsaʼunej ja Dyos sok yaʼunejyi cholal bʼa oj stoj ja kristyanoʼiki (Salmos 2:4-6; Isaías 9:7).
Ja Jesús yalyabʼ ja sjekabʼanumik ke tini oj ajyuke soka yeʼn ja bʼa sGobyerno bʼa satkʼinali. ¿Jas yuj? Ja yeʼn yala: «Bʼa oj kulananik bʼa tronoʼik», wa xkʼan alxuk, bʼa oj kʼotuke reyik lajan soka yeʼn (Lucas 22:28, 30).
Ja sGobyerno ja Dyos oj xchʼaysnajel ja skontraʼiki (Salmo 2:1, 2, 8, 9; 110:1, 2; 1 Corintios 15:25, 26).
Ja Biblia mi wa sjeʼa ke ja Gobyerno bʼa satkʼinali oj ya makunuk ja jkʼujoltik bʼa oj ya mandar. Ja yuj, ja sGobyerno ja Dyos mini jun jas junuk tey bʼa jkʼujoltik. Ja jas wa sjeʼa ja Biblia jani ke ja «lekil rasonik sbʼaja sGobyerno ja Dyosi» ma «ja rason sbʼaja sGobyerno ja Dyosi» wani xbʼobʼ kʼotuk masan bʼa jkʼujoltik (Mateo 13:19; 24:14).
¿Pe mi maʼ yala ja Jesús: «Ja sGobyerno ja Dyos tey bʼa wa wojolex»?
Jujuntik Biblia wa sutu jachuk ja yaljelik bʼa Lucas 17:21, «ja sGobyerno ja Dyos tey bʼa wa wojolex» (Biblia Americana San Jerónimo). Ja yuj, ay jujuntik kristyano wa spensaraʼane ke ja sGobyerno ja Dyos tey bʼa jkʼujoltik. Pe bʼa yabʼjel lek stojolil ja bersikulo it jelni tʼilan spaklajel lek ja syakulabʼil bʼajtani.
Mini xbʼobʼ ajyuk bʼa skʼujole ja sGobyerno ja Dyos ja winike wa skʼanawe oj smil-e ja Jesús
Ja Jesús yalyabʼ ja yaljelik it ja fariseoʼik, jun tsome olomalik bʼa relijyon wa xyilkʼujolane ja Jesús sok bʼa sleʼawe modo smiljel (Mateo 12:14; Lucas 17:20). ¿Kʼan maʼ yal ke tey bʼa skʼujole ja sGobyerno ja Dyos ja winike jaw? Mini tʼusan, ja yeʼn yala: «Ja bʼa wa wojolexi bʼutʼel abʼal sok maloʼil» (Mateo 23:27, 28).
Pilan sutjelik yiʼoj ja bʼa Lucas 17:21, wa xchiktes ja jas mero wa xkʼan yal ja bʼa teksto. Ja mero Yajkʼachil Testamento wa xyala: «Ja sGobyerno ja Dyos tixa ay bʼa jtsʼeʼeltik», sok jaxa ja la Traducción del Nuevo Mundo de las Santas Escrituras (sok referencia) wa xyala: «Ja sGobyerno ja Dyos tixa ay bʼa weʼnlex» (kʼela ja nota). Anto, ¿jas wa xkʼan yal ja Gobyerno bʼa satkʼinal tey bʼa stsʼeʼel ja fariseoʼik ma bʼa yeʼnle? Wa xkʼan yal ke ja Jesús, ja maʼ tsajita yuja Dyos bʼa oj kʼot rey, tixa ay soka yeʼnle (Lucas 1:32, 33).
a Jitsan iglesyaʼik wa sjeʼawe ke ja sGobyerno ja Dyos tini ay bʼa yojole ja kristyanoʼik, wa xkʼan alxuk, bʼa skʼujole. Jun sjejel, ja Enciclopedia Ortodoxa wa xyala: «Yiljel ja sGobyerno ja Dyos jani yiljel ke ja Dyos wan yajel mandar bʼa kojoltik». Sok jaxa slibro ja Jesús bʼa Nazaret, ja papa Benedicto XVI yala: «Ja sGobyerno ja Dyos tini wa xjak bʼa jun kʼujolal wa smaklay. Jani jaw ja sbʼeji».
Bʼobʼta cha ojni akʼul gusto
ESSENTIAL BIBLE TEACHINGS
¿Jasunkiluk ja sGobyerno ja Dyosi?
Ja bʼa aʼtelik skʼulan ja Jesús, jani mas waj skʼujol sjejel sbʼaja sGobyerno ja Dyosi yuj chikan jasa.
JA JUʼUN CHOLUMANI
¿Machunkiluk ja Mandaranum ja bʼa sGobyerno?
Ja tsʼijbʼanumik bʼa Biblia stsʼijbʼanekan jastik junuk bʼa oj jnatik machunkiluk ja Mandaranum bʼa sGobyerno ja Dyos. Ja maʼ kechanta wa xkʼot sbʼaj ja it jani ja Jesukristo.
