Ja sjobʼjel it wani xbʼobʼ alxuk bʼa tuktukil modo. Bʼobʼta june oj sjobʼ sbʼaj: «¿Jas yuj teytik il?» ma «¿Ay maʼ sbʼej yuja sakʼanotiki?». Ja Biblia wa sjeʼa ke ja jas wa xkʼanxi ja bʼa jsakʼaniltiki jani yamigoʼajel ja Dyosi. Bʼa yabʼjel lek stojol ja it, la kiltik jujuntik smeranilik bʼa wa xchiktes ja Yabʼal ja Dyos.

•   Ja Dyos yeʼn ja jkʼulumantiki. Ja Biblia wa xyala: «Ja [ Dyos] yeʼnani ja maʼ skʼulanotiki, sok yeʼnxani sbʼajotik» (Salmo 100:3; Apocalipsis 4:11).

•   Ja kʼulumani ayni jas wa skʼana oj skʼuluk soka jastik skʼuluneji, bʼa tini chʼikan ja kristyano (Isaías 45:18).

•   Ja Dyosi skʼulanotik soka kʼankʼunel bʼa snebʼjel sbʼaja yeʼn, bʼa ti chʼikan skʼanjel snajel jas stojolil yiʼ oj ja sakʼanili (Mateo 5:3). Ja yeʼn wa skʼana ke ojni jnebʼtik sbʼaja jaw (Salmo 145:16).

•   Yajni wa xkʼujolantik snajel sbʼaja Dyos sok wa xkamigoʼantik wani xjeʼatik wa xkʼanatik snebʼjel bʼa yeʼna. Pes juni jasunuk bʼa mi wokoluk stajel. Ja yuj, ja Biblia wa xyaʼakitik ja lokjelal it: «Mojxanik soka Dyosi sok jaxa yeʼni ojni mojxuka mokex» (Santiago 4:8; 2:23).

•   Bʼa oj kʼot kamigoʼuktik ja Dyosi, tʼilani oj kʼuluktik jas wa skʼana yuja skʼulanotiki. Ja Biblia wa xchiktes lek jasunkiluk jawa skʼana: «Xiwanyuj ja Dyos smeranil sok kʼuʼan ja smandariki. Yujni ja ita it spetsanil ja jas oj skʼuluk ja winiki» (Eclesiastés 12:13).

•   Ja bʼa tyempo jakumi, yajni ja Dyos xchʼaya snajel ja wokoliki sok xyayi sakʼanil bʼa tolabida spetsanil ja yamigo sok ja matik wa x-aʼteltajiyuj toj lek, ojni ilxuk jaman lek ja jas wa skʼana ja Dyos sbʼaja kristyano (Salmo 37:10, 11).