Ja Biblia wa slokowotik oj katik ja jas kiʼojtik jach sok spetsanil jkʼujoltik sok bʼa jun modo stojol. Yajni wa xkʼulantik, mini kechan wa xya el slekilal ja kristyano maʼ wa xkatikyi, cha jachni ja keʼntiki (Proverbios 11:25; Lucas 6:38). Ja Jesús yala: «Masni wa xyaʼa gustoʼil ja yajeli ke yuja oj ajukawiʼi» (Hechos 20:35).

•  ¿Jas tyempo stojol yajel?

•  ¿Jas tyempo mi stojoluk yajel?

•  Tekstoʼik bʼa Biblia bʼa wa staʼa tiʼal sbʼaja yajeli

 Yajel sok spetsanil jkʼujoltik wani xyijan jitsan slekilal. Ja Biblia wa xyala: «Ke kada jujune a-skʼuluk ja jas yalunej ja skʼujoli, sok mi mala ganaʼuk sok mi obligadoʼuk, yujni ja Dyosi wa syajtay ja maʼ gustoxta wa xyaʼa» (2 Corintios 9:7).

 Ja Dyos wa smajlay jastal yaʼtijumotik oj katik sok spetsanil jkʼujoltik (Santiago 1:27). Ta wa xkoltaytik ja maʼ ay snesesida, wantikni skoltajel ja Dyosi, sok ja yeʼn wa xyabʼ wa xkan jelal jmoktik yuja wa xkaʼa jaman ja jkʼujoltiki (Proverbios 19:17). Ja Biblia wa xyala ke ja Dyos oj yaʼ jtsʼakoltik (Lucas 14:12-14).

 Yajni wa xkʼulantik bʼa kechanta slejel jlekilaltik. Jun sjejel:

•   Bʼa oj stoya ja tuk (Mateo 6:2).

•   Bʼa ay jas oj cha jtupjukawi (Lucas 14:12-14).

•   Bʼa smanjel jawa koltajel (Salmo 49:6, 7).

 Yajni ay jas wa xkʼulantik bʼa mi lek xyila ja Dyos. Jun sjejel, mini lekuk yajelyi takʼin june bʼa oj tajnuk, bʼa oj yakbʼuk ma bʼa oj yabʼ droga (1 Corintios 6:9, 10; 2 Corintios 7:1). Cha mini lekuk yajelyi takʼin june maʼ wa xbʼobʼ aʼtijuk, pe mi skʼana (2 Tesalonicenses 3:10).

 Yajni wa stimawotik soka cholalik wa xyaʼakitik ja Dyosi. Ja Biblia wa xyala ke ja olomal bʼa pamilya tʼilani oj yayi ja jas wa xmakuni yuja spamilya (1 Timoteo 5:8). Mini stojoluk yuja ay jas waxa wayi ja tuk jaxa mi oja talnay jawa pamilya. Chomajkil, ja Jesús mini lek yila ja matik mi xyaweyi ja snesesida ja snantate bʼa awelxa, yujni wa xyalawe ke ja jastik yiʼojeʼi «jun majtanal akʼubʼalxayi ja Dyosi» (Marcos 7:9-13).