Ta ja matik yiʼoneje xa jaʼ jastal taʼumantiʼik bʼa Jyoba mixa x-elye xcholjel sok mixa xwajye ja bʼa tsomjelal bʼa kongregasyoni, mini wa xjipatikonkan smojtajele. Jaʼukto maʼ, wa xtaʼatikone loʼil sok wa xkoltaytikone bʼa cha akumxuke yaʼteltajel ja Dyosi.

 Yajni jun Taʼumantiʼ yiʼunejxa jaʼ xkoʼ bʼa jun chaʼan mulal, ojni bʼobʼ ajuk elkan ja bʼa xchonabʼil ja Dyosi. Pe ja it mi wegoʼuk xta wa xkʼulaxi. Ta jun taʼumantiʼ bʼa Jyoba skostumbrexa ni yiʼoj bʼa skʼokjel ja jasa wa xyala ja Biblia sok mi sutxi ja skʼujoli, anto wa x-aji elkan ja bʼa xchonabʼil ja Dyosi, soka kongregasyoni mixani smojtaye. Pes ja Biblia jaman lek wa xyala: «Ja we‘nlexi a‘awik eluk ja mulanumi ja bʼa yoj analanexi» (1 Corintios 5:13, Ja yajkʼachil sju‘unil ja dyosi).

 ¿Jaxa ta jun winik ajita elkan ja bʼa xchonabʼil ja Dyosi, pe ja xcheʼumi soka yuntikili taʼumantiʼe bʼa Jyoba? Anima ja jastal junxta ja srelijyone ajyi tukbʼitaniʼa, pe ja jastalni wa xyila sbʼaje bʼa pamilya mi tukbʼeluk. Ja jastal wa xyila sbʼaj soka xcheʼumi, chomajkil ja jastal wa xyiʼaj sbʼaj ja tatal soka yuntikili, jachtoni ja jastal kʼajyel wa xyiʼaj sbʼajeʼi.

 Ja matik ajita elkan ja bʼa xchonabʼil ja Dyosi wani xbʼobʼ wajuke ja bʼa jtsomjeltikoni, sok ta wankʼa skʼanawe skoltajele bʼa yaʼteltajel ja Dyosi ojni ajukyile yuja ansyanoʼik bʼa kongregasyoni. Ja jasa wa xkʼanxi jani cha a-sbʼutʼ-e ja jasa wa xkʼanxi bʼa cha akʼotuke taʼumantiʼik bʼa Jyoba. Ja matik elelxa kan ja bʼa xchonabʼil ja Dyosi wa sjipawekan ja kuxil modoʼali sok wa sjeʼawe sok spetsanil skʼujole oj snoch-e ja rasonik bʼa Biblia ojni cha bʼobʼ kʼotuke testigo bʼa Jyoba.