Ojo. Wa xbʼobʼ yal mixa skʼana oj ajyuk jastal taʼumantiʼ bʼa Jyoba bʼa chabʼ modo:

•   Jach yeʼn oj skʼane. Jun ixuk winik wa xbʼobʼ yal ja spensari, jachʼ yaljel maʼ tsʼijbʼunubʼal bʼa juʼun, bʼa mixa skʼana oj ajyuk jastal Taʼumantiʼ.

•   Soka jas wa skʼulani. Jun ixuk winik wa xbʼobʼ skʼul jun jasunuk bʼa oj sjeʼ mixa skʼana oj ajyuk ja bʼa tsome taʼumantiʼik bʼa Jyoba ay bʼa sutanal ja Luʼumi (1 Pedro 5:9). Jun sjejel, oj bʼobʼ waj bʼa pilan relijyon sok sjejel tixa wa skʼana oj ajyuk tiw (1 Juan 2:19).

 Miyuk. Ja yaljel mixa skʼana ma ja spiljel sbʼaj mini junukxta soka maʼ cheʼej ay ja skʼuʼajel yiʼoji. Ayni tikʼanxta wa x-ekʼi, ja matik wa syopes sbʼaje ma wa xyawekan yaʼteltajel jun tyempo ja Jyoba mi yuj chʼayta ja skʼuʼajel yiʼoji, kechan yuj chebʼel aye. Ja yuj, wa xleʼatikon modo yajel kulan skʼujole sok skoltajele, mi yuj mixa xkʼanatikone (1 Tesalonicenses 5:14; Judas 22). Ta ja ixuk winik jaw wa skʼana skoltajel, ja ansyanoʼik bʼa kongregasyoni yeʼntoni bʼajtan wa xyaweyi skoltajele (Gálatas 6:1; 1 Pedro 5:1-3).

 Pe ja ansyanoʼiki mi akʼubʼaluk xchole bʼa oj stʼen-e maʼ oj snetʼ-e jun ixuk winik bʼa mok elkan jastal taʼumantiʼ bʼa Jyoba. Jujune ja ixuk winiki yeʼnani oj spensaraʼuk bʼa relijyon oj ajyuk (Josué 24:15). Wa xkʼuʼantikon ja matik wa xyaʼteltaye ja Dyosi tʼilani a-skʼuluke pe yuj yeʼn wa skʼanawe, bʼa spetsanil skʼujole (Salmo 110:3; Mateo 22:37).