Miyuk, mini tʼilanuk oj ochan Taʼumantiʼ. Jitsan mil ixuk winik wa spaklaye jmoktikon ja Biblia sok mi x-ochye Taʼumantiʼik. a Ja estudio bʼa Biblia wa xkaʼatikoni jani bʼa oj jetikonawi ja weʼn ja jasa wa sjeʼa ja Biblia. Weʼnani oja wil jas oja kʼuluk soka jas wana snebʼjeli. Pes wa xnaʼatik yeʼnani oj stsaʼ june jas relijyonil oj ajyuk (Josué 24:15).

 Ojo. Ja keʼntikoni jani jgustotikon wa xkatikon makunuk ja Traducción del Nuevo Mundo de las Santas Escrituras, bʼa wa xya makunuk yaljelik jastal wala kʼumanitik ja bʼa jtyempotiki. Ta waxa kʼana, oj bʼobʼ katikonawi junuk jach mi tupubʼaluk. Pe ta jaʼ waxa kʼana oja wa makunuk jawa Biblia, oj bʼobʼa wa makunuk. Tʼusan mi spetsaniluk ja bʼa sutubʼali oj bʼobʼa nebʼ ja rason yiʼoj ja Biblia bʼa wa xyaʼa jun smajlajel sok bʼa oj ya jtaʼ jsakʼaniltik.

•   Ja jasa mas tʼilan yuja wa xkʼulantikoni jani yuja wa xyajtaytikon ja Jyoba. Pes ja yeʼn wa skʼana ja yaʼtijumotikoni oj jetikonyi ja tuk ixuk winik ja jasa wantikon snebʼjeli (Mateo 22:37, 38; 28:19, 20). Ja keʼntikoni, mini ay pilan cholal b’a mas chaʼanyabʼalil wa xkilatikon yuja «atel ja ba yatel ja Diosi» sok skoltajel ja ixuk winik a-snebʼ-e ja jasa wa sjeʼa ja Biblia (1 Corintios 3:6-9).

•   Xchabʼil rason yuja wa xkʼulantikoni jani yuja wa xyajtaytikon ja ixuk winiki (Mateo 22:39). Jelni wa xyakitikon gusto xcholjel yabʼ ja tuki ja jastik tsamalik jnebʼunejtikoni (Hechos 20:35).