Lom yaljelik: Ja taʼumantiʼik bʼa Jyoba mi skʼintaye ja sakʼwelal ja Jesusi yujni mi snochumanuke bʼa Yeʼn.

 Smeranil: Wani xkʼuʼantikon ja Jesús yeʼnani ja jkoltumantiki sok wa xkʼulantikon ja janekʼ wa xbʼobʼi ‹bʼa oj jtzajlatikon ja yoki› (1 Pedro 2:21, Ja yajkʼachil sju‘unil ja dyosi; Lucas 2:11).

Lom yaljelik: Ja weʼnlexi mixa kʼuʼanex sbʼaja sakʼwelal ja Jesús.

 Smeranil: Mi kechan wa xkʼuʼantikon sbʼaja sakʼwelal ja Jesús, pes wa xnaʼatikon jani yechalil sbʼaja skʼuʼajel kiʼojtikoni sok ja it jun jasunuk jel stʼilanil stajel tiʼal ja yajni wa xcholotikoni (1 Corintios 15:3, 4, 12-15).

Lom yaljelik: Waxa makawex jawa wuntikilexi bʼa mok wajuke ja bʼa kʼin jumasaʼ.

 Smeranil: Wa xyajtaytikon ja kuntikiltikoni sok wa xkʼujolantikon ja janekʼ wa xbʼobʼi bʼa sjejel yile sok bʼa aʼajyuke gusto ja bʼa sakʼanileʼi (Tito 2:4).

•   Ja kostumbre yiʼoje jujuntik país sbʼaja sakʼwelal ja Jesusi mini ti eleluk bʼa Biblia.

•   Ja Jesús yalakan oj ka juljkʼujoltik ja xchamelali, sok mi jaʼuk sbʼaja xchamelali. Spetsanil ja jabʼiliki, ja taʼumantiʼik bʼa Jyoba wa xka juljkʼujoltikon ja xchamelal ja Jesús ja bʼa yajtabʼ chami jastalni wa sjeʼa ja calendario bʼa luna wa xyala ja Biblia (Lucas 22:19, 20).

•   Wa xnaʼatikon ja skʼintajel ja sakʼwelal ja Jesús —jitsan ja bʼa jastik junuk it ti eleljan ja bʼa kostumbre wa skʼulane ajyi sbʼaja bʼaʼalaneli— mini lek xyila ja Dyosi. Pes kechantani Yeʼn «wa skʼana ja toyjelali» sok wani xyajbʼesji ta jkʼulantik jastik junuk bʼa relijyon bʼa mi lek wa xyila ja Dyosi (Éxodo 20:5; 1 Reyes 18:21).

 Wani xkʼuʼantikon lek ja mi xkʼintaytikon ja sakʼwelal ja Jesús yujni ja wa xnochotikon ja jas wa xyala ja Biblia. Soka it wani snikawotikon bʼa yajel makunuk ja snajel soka spensarajel kiʼojtikoni sok mi kechanta lom snochjel kostumbreʼik (Proverbios 3:21; Mateo 15:3). Wani xcholotikon yabʼye ja skʼuʼajel kiʼojtikon ja matik wa sjobʼowe sbʼaja it, pe wani xkisatikon ja derecho yiʼoje bʼa jujune oj spensaraʼuk ja jas oj skʼuluki (1 Pedro 3:15).