Bʼa jitsan ixuk winik, ja krusi wa xyilawe jastal jun senya sbʼaja snochumanik ja Jesús bʼa yibʼanal ja luʼumi. Pe anima ja taʼumantiʼik bʼa Jyoba snochumanotikon ja Jesús, mini wa xkatikon makunuk ja krusi sok mi wa xkatikonyi stoyjel. ¿Jas yujil?

 Bʼa sbʼajtanil, ja Biblia mi wa xyala ja Jesús cham bʼa jun krus, pes cham bʼa jun teʼ, bʼa jun ita xijan teʼ. Chomajkil wa xyayi ja mandar it ja snochumanik ja Jesús: «Aahuic can juntiro ja cʼulubal diosi». Sok yajel makunuk ja krus ja bʼa kulto tini chʼikan ja yajelyi stoyjel ja kʼulubʼal dyosi (1 Corintios 10:14; 1 Juan 5:21).

 Bʼa pilan jasunuk, ja Jesús yala ja it bʼa jachuk oj najuk sbʼaj ja meran snochumaniki: «Ta yaj cʼa huaxa huab abajex, entonces ti oj aljuca: Ja jau jumasa, seguro jaʼ snebuman ja Cristo porque jel juntiro yaj huax yab sbaje, oj chiuque ja cristiano» (Juan 13:34, 35). Jachukniʼa, ja jasa meran oj najuk sbʼaj ja snochumanik ja Jesús jani yuja meran yajtanel yiʼoj sbʼajeʼi, sok mi jaʼuk yuja krusi sok mini pilan kʼulubʼal dyosik.