Waniʼa. Ja Jesús yeʼn yala: «Quena ni huax caa ja hua sacʼanilexi. Ta ay cʼa maʼ oj cʼotuc ja bay ja jTati, yuj ni oj yii ja bej jahui, y quena nia» (Juan 14:6). Wani xkʼuʼantikon lek ja Jesús koʼkon ja bʼa satkʼinali man bʼa Luʼum bʼa oj ya ja sakʼanil mini jun mulal yiʼoji bʼa oj elkotik libre (Mateo 20:28). Ja xchameli soka yajni sakʼwi ya jamxuk ja bʼej sbʼaja matik wa skʼuʼane bʼa yeʼni ojni ajyuk jun sakʼanile bʼa tolabida (Juan 3:16). Chomajkil, wa xkʼuʼantikon ja Jesús wanxa yajel mandar ja bʼa sGobyerno ja Dyos bʼa satkʼinali sok ojxta yijan slamanil ja bʼa Luʼumi (Apocalipsis 11:15). Pes ja yeʼn yala: «Ja jTati porque ja yeni, mas nihuan que yuj ja queni» (Juan 14:28). Ja keʼntikoni wa xkʼuʼantikon ja yaljelik jaw sok mi wa xkʼuʼantikon ja Jesús yeʼn ja Dyos jel juntiro ja yipi. Sok ja yuj mini yeʼnuk wa xkaʼatikonyi stoyjel.