Waniʼa. Ja taʼumantiʼik bʼa Jyoba wala wajtikon bʼa loktorik sok wa xkiʼajtikon aʼanik. Anima wa xtalnay jbʼajtikon ja janekʼ wa xbʼobʼ kujtikoni, pe ayni ekʼele tʼilan oj wajkotikon bʼa loktor (Lucas 5:31). Chomajkil, jastalni ja Lucas —jun loktor bʼa bʼajtan siglo sok nochuman bʼa Kristo—, ayni jujuntik Taʼumantiʼik cha loktorni ja yeʼnleʼi (Colosenses 4:14).

 Pe ja Taʼumantiʼiki mini xkiʼajtikon aʼanik wa skʼoko ja rasonik bʼa Biblia. Jun sjejel, ja Biblia wa xyaʼa ja mandar mini lekuk yijel chikʼ, ja yuj ja Taʼumantiʼiki mini xkiʼajtikon chikʼ (Hechos 15:20). Chomajkil, ja Biblia wa xyala mini lekuk ja modoʼik bʼa yajel tojbʼuk ja chamelik bʼa ti chʼikan soka aʼtel bʼa brujo (Gálatas 5:19-21).

 Chikani stojolil, tʼusan mi spetsaniluk ja aʼanik wa syama ja loktoriki, ja Biblia mini wanuk yaljel mi lekuk. Ja yuj, jujune ja Taʼumantiʼiki yeʼnani oj spensaraʼuk ta oj yiʼe ma miyuk. Bʼobʼta june oj yiʼ jun tikʼe aʼan jaxa juni mini oj yiʼe (Gálatas 6:5).