Ja mero yaljel bʼa griego axi makunuk ja bʼa Biblia sok ayni wa sutxi jastal «iglesia» jawa staʼa tiʼal bʼa jun kʼole ixuk winik toje, sok mi bʼa jun lugaruk bʼa tsomjelal.

  Jun sjejel, yajni ja jekabʼanum Pablo sjekayi juʼun ja nochumane Kristo bʼa Roma, sjekayi spatulabʼil skʼujol jun nupanum, Áquila sok Priscila, sok cha yala ja it: «Wa xjeka spatulabʼiI skʼujol ja egelesya ja ma‘tik wa stzomo sbʼaje‘ ja bʼa snaji» (Romanos 16:5, Ja yajkʼachil sju‘unil ja Dyosi). Ja il wa xchiknaji lek ja Pablo mi wanuk sjekjelyi spatulabʼil skʼujol jun lugar bʼa tsomjelal, wan sjekjelyi bʼa jun kʼole ixuk winik, ja matik wa stsomo sbʼaje ja bʼa lugar jaw. a

 Ja yujil, mi xkatikon sbʼiʼiluk iglesia ja lugar bʼa wa xtsomo jbʼajtikoni, wa xkatikon sbʼiʼiluk Naʼits bʼa Tsomjelal.

 Ay jitsan rasonik yuja wa xkan sbʼaja bʼiʼilal it. Ja il wa xtax jujuntik:

•   Ja lugar jaw, jun naʼits bʼa wa xkʼulxi tsomjelik.

•   Wa xtsomo jbʼajtikon bʼa yajelyi stoyjel ja Jyoba, ja Dyos wa staʼa tiʼal ja Biblia, sok wa xtaʼatikon tiʼal sbʼaja yeʼn (Salmo 83:18; Isaías 43:12).

•   Chomajkil wa xtsomo jbʼajtikon bʼa snebʼjel mas sbʼaja sGobyerno ja Dyosi, ja it jel staʼa ekʼ tiʼal ja Jesusi (Mateo 6:9, 10; 24:14; Lucas 4:43).

 Wa xlokowatikon bʼa oj waja wulatay ja Naʼits bʼa wa Stsomo sbʼaje ja Taʼumantiʼ jumasaʼ bʼa Jyobaji ja bʼa lugar mas mojan wa xkanawuji bʼa oja wil jastal wa skʼulane ja stsomjele ja Taʼumantiʼiki.