Ja Tsome Tojwanumi juni chʼin kʼole jmoj-aljeltik bʼa takʼanxa aye bʼa wa stojowe spetsanil ja taʼumantiʼik bʼa Jyoba bʼa sutanal ja luʼumi. Wa skʼulane chabʼ tikʼe aʼtel:

•   Wa skʼelawe jastal wa xchapxi ja sjejelik bʼa Biblia bʼa ti wa x-el bʼa juʼunik sok ti wa xjexi ja bʼa tsomjelali sok ja bʼa eskwelaʼik ja bʼa taʼumantiʼik bʼa Jyoba (Lucas 12:42).

•   Wa stojowe ja yaʼtele wa skʼulane ja taʼumantiʼik bʼa Jyoba bʼa yibʼanal ja luʼumi. Ja it wa stojolan bʼa skʼeljel ja aʼtel bʼa xcholjeli sok ja jastik wa xkʼebʼji jastal takʼin ma chikan jasunuk.

 Ja Tsome Tojwanumi jani snochuneje ja modoʼal ja bʼa «jecabanum jumasa soc ja anciano jumasa» bʼa Jerusalén ja bʼa bʼajtan siglo. Ja yeʼnle skʼelawe sok xchapawe jastik bʼa jel tʼilanik bʼa sbʼiʼil spetsanil ja kongregasyoniki (Hechos 15:2). Jujune ja bʼa matik kʼotele ja Tsome Tojwanumi mini yeʼn tejkʼanubʼaluke ja bʼa yojol ja xchonabʼil ja Dyos, jastalni ja winike matik toj wajye ja bʼajtan siglo. Ja yeʼnleʼi tolabida wa spaklaye ja Biblia bʼa wa sleʼawe tojelal sok wa skisawe ja Jyoba yeʼn yaʼunejyi xchol ja Jesukristo jastal Olomal ja bʼa kongregasyon (1 Corintios 11:3; Efesios 5:​23).

 Ja matik teye ja bʼa Tsome Tojwanumi jaʼa Kenneth Cook, Jr., Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane sok Jeffrey Winder. Spetsanil ja yeʼnleʼi ti wane aʼtel ja bʼa mero yechalil skʼeljel ja yaʼtele ja taʼumantiʼik bʼa Jyoba bʼa Warwick (Nueva York).

 Ja Tsome Tojwanumi yaʼunej kujlajuk wake tsome olomalik bʼa tuktukil ja jastik wa skʼelawe ja bʼa yaʼtele ja Taʼumantiʼik. Jujune ja matik tey ja bʼa Tsome Tojwanumi wa skoltaye june ma mas ja bʼa tsome olomalik it.

•   Tsome Olomalik bʼa Koltanel. Jani wa skʼela ja jastik bʼa ley sok wa xkoltani yajni wa x-ekʼ jun desgrasya. Cha wa skʼela yajni wa x-iji spatike yuja skʼuʼajel yiʼoje ja Taʼumantiʼik sok chikan jastik wa x-aji wokolanuke ja taʼumantiʼik bʼa Jyoba.

•   Tsome Olomalik bʼa Aʼtijumik. Wa skʼela yibʼanal ja jastik chʼikan sbʼaja pamilya Betel, wa xkʼan alxuk, ja matik wa x-aʼtijiye ja bʼa naʼitsik Betel.

•   Tsome Olomalik bʼa Juʼunik. Wa skʼela ja jastik chʼikan bʼa skʼuljel imprimir sok sjekjel ja juʼunik bʼa Biblia. Cha wa skʼela ja yajel kʼeʼuk ja Naʼitsik bʼa Tsomjel, ja opisina bʼa sutjel juʼunik sok naʼitsik Betel.

•   Tsome Olomalik bʼa Xcholjel. Wa skʼela sok wa xtojwani ja bʼa aʼtel bʼa xcholjel ja «yajcʼachil loil it jastal huan xa scʼulajel mandar ja Diosi» (Mateo 24:14).

•   Tsome Olomalik bʼa Sjejel. Yeʼni xchol bʼa yajel eluk ja chapwanel wa x-ekʼ ja bʼa tsomjeliki, ja bʼa eskwelaʼik, programaʼik bʼa bideo sok bʼa skʼulajel grabar juʼunik.

•   Tsome Olomalik bʼa Tsʼijbʼanel. Yeʼni wa xchapa ja jastik wa xyijan ja juʼunik bʼa Biblia soka sitio bʼa Internet sok wa skʼela ja aʼtel bʼa sutjel juʼunik.

 Mini cha kechanuk wa skoltaye ja tsome olomalik it, jujune ja matik teye ja bʼa Tsome Tojwanumi wani stsomo sbʼaje ja bʼa semana bʼa yiljel jastik wa xmakuniyuj ja xchonabʼil ja Dyos. Ja bʼa tsomjelalik it, wani spaklaye ja jas wa xyala ja Biblia sok wani xyaʼawekan atojuke soka yip ja Dyosi. Tolabida wa skʼujolane bʼa oj ochuke akwerdo junxta lajan (Hechos 15:25).

 Jujune ja bʼa tsome olomalik yiʼoj ja tsome Tojwanumi ayni jmoj-aljeltik toje bʼa ayiʼoje snajel sok chapane bʼa skʼeljel ja aʼtel wa skʼulane ja bʼa tsome olomalik tʼojubʼaleʼi (1 Corintios 4:2). Ja koltanumik it tini wa x-ajyiye ja bʼa tsomjelal wa skʼulane ja bʼa semana ja tsome olomalik. Anima ja yeʼnle mi yeʼn wa xyalawe jas oj kʼulaxuk, pe wani xyaʼawe rasonik sok wa xyalawe ja bʼa jastik ekʼelxa bʼa oj koltajuke ja bʼa jas wane xchapjeli, sok jani wa snochowe ja jas wa xyalawe oj kʼulaxuk ja tsome olomalik sok wani skʼelawe ja slekilal taxeli. Ja Tsome Tojwanumi wani xcha skʼanaweyi bʼa oj waj yulataye Taʼumantiʼik bʼa tuktukil lugar ja bʼa luʼumi ma oj koltanuke bʼa programaʼik jel chaʼanyabʼalil jastal ja tsomjelal wa xkʼulaxi jabʼil jabʼil sok yajni wa skʼulan sbʼaje graduar ja bʼa Eskwela bʼa Galaad.