Jonás 2:1-10
2 Chu akxni xtanuma kxpan skiti, Jonás tlawanilh oración Jehová, xDios
2 chu wa:
«Ktachuwinalh Jehová xlakata lu xaklakgaputsama, chu xla kinkgalhtilh.
Xakmakgkatsi pi xakamaja niy, xtachuna la komo xakwi kPutaknun,* chu ktasaskilh tamakgtay.
Wix kgaxpatti kintachuwin.
3 Akxni lhkgen kimakapi kxakapulhman pupunu,chuchut kixwatalilh.
Kimakgtsikgolh laklanka takgayawana.
4 Chu kwa: “¡Makgat kilinka, niku wix nialh xkiʼakxilha!
¿Tlan nakakxilhpara xasanto mintemplo?”.
5 Chuchut kimakgtsilh chu kalipekua tawi kilatamat;asta kxtampun pupunu kchalh.
Kiʼakgxakga litalakgchilh tuwan* nema staka kpupunu.
6 Kchalh asta niku tsuku laklanka sipi.
Tiyat xtalakchuwama chu xʼama kilakgachinu putum kilhtamaku.
Pero wix lakgmaxtu kilatamat kputaknun,* oh, Jehová kiDios.
7 Akxni xakamaja niy, wix Jehová tiku klakapastakni.
Uma kilhtamaku kioración lakgchan, asta kxasanto mintemplo.
8 Tiku kakninanikgo tatlawamakgxtu nema nitu litaxtukgo, makgxtakgkgonit Dios tiku kalimasiyani tapaxkit nema ni makgxtakgnan.
9 Pero akit, naklimasiyaniyan pi kpaxtikatsiniyan, naktlawaniyan tamakamastan.
Tuku kmalaknunit, nakmakgantaxti.
Jehová lakgmaxtunan».
10 Alistalh, Jehová tlawalh pi skiti xpatlanalh chu xkilhtaxtulh Jonás kxkilhtun pupunu.
