TAKGALHSKININ 2
¿Tlan nalakgapasa Dios?
«Uma libro xla limapakgsin chali chali nalikgalhtawakgaya, chu kakuwani chu katsisni xapistsina, xlakata nakuentajtlawaya putum tuku anta tatsokgnit; xlakata chuna tlan nakitaxtuniyan kmintiji chu xaskgalala tuku natlawaya.»
(Josué 1:8)
«Chuntiya pixlanka xlikgalhtawakgamakgo libro, xla xlimapakgsin xaxlikana Dios, xlichuwinankgo, chu xwankgo tuku xkilhchanima; chu chuntiya tsukukgolh wankgo tuku xwamputun tuku xlikgalhtawakgamakgolh.»
(Nehemías 8:8)
«Paxuwa chixku tiku ni stalani xtastakyawkan tiku nitlan likatsikgo [...]. Wata lipaxuwa xlimapakgsin Jehová, kakuwani chu katsisni pistsina likgalhtawakga xlimapakgsin [...], chu putum tuku natlawa tlan nakitaxtuni.»
(Salmo 1:1-3)
«Felipe lakapala lakgalh chu kgaxmatli pi pixlanka xlikgalhtawakgama xlibro palakachuwina Isaías, chu wa: “¿Xlikana katsiya tuku likgalhtawakgapat?”. Xla wa: “¿La tlan nakkatsi komo niti nakimasiyani?”.»
«Xtayat liwana litasiya lata akxni malakatsukika kakilhtamaku, xlakata litasiya tuku malakatsukinit, asta xlitliwakga nema nikxni sputa chu la xLilanka.»
«Kalakpuwanti xlakata uma; wa tuku tlakg kaliskujti, xlakata putum naʼakxilhkgo pi tatliwakglhma mintakanajla.»
«Kalakputsaw la nalamakgtayayaw kinchatunukan xlakata nalimasiyayaw tapaxkit chu natlawayaw tuku tlan, ni namakgxtakgaw kintamakxtumitkan.»
«Komo wi tiku tsankgani liskgalala, chuntiya kaskinilh Dios, xlakata xla putum kamaxki.»