Tuku litsuku xTachuwin Dios
Biblia limin xtamakatsin Dios nema kamaxki latamanin. Wa xlakata wan pi xTachuwin Dios. Kinkamasiyaniyan tuku kilitlawatkan xlakata napaxuwayaw chu namakgapaxuwayaw Malakatsukina chu kgalhti lu xlakaskinka takgalhskinin la umakgolh:
LA NAPUTSAYA VERSÍCULOS KBIBLIA
Biblia kgalhi 66 libros. Pulaktiy tlawakanit: Tatsokgni Hebreoarameas chu Tatsokgni xaGriego. Wi tiku na limapakuwikgo Antiguo Testamento chu Nuevo Testamento. Chu kBiblia, makatunu libros limapitsikanit capítulos chu akgatunu capítulo kgalhi versículos. Kʼakgtum texto, pulana wi xtukuwani libro, alistalh wi número nema masiya pi wa xacapítulo chu alistalh wi akgtum o akglhuwa números nema limasiyakgo versículo o versículos. Akgtum liʼakxilhtit, Génesis 1:1 wamputun Génesis capítulo 1, versículo 1.