TAKGALHSKININ 7
¿Tuku wa Biblia pi xʼama la uku?
«Nalatalatlawa kachikinin chu akgatunu tamapakgsin [...]. Putum uma wa xkilhtsukut talakgaputsit.»
«Natawilakgo lhuwa nixaxlikana palakachuwinanin chu lhuwa nakaʼakgskgawikgo; chu xlakata natalhuwi tuku nitlan tlakg lhuwa tiku nialh nalapaxkikgo.»
«Akxni nakgaxpatatit xlakata guerras chu tuku wankan xlakata guerras, ni kapekuantit; uma chuna xlikgantaxtut, pero nina xkilhtamaku nachin lisputni.»
«Lu tliwakga natachiki tiyat, chu klakalhuwa naʼanan laklixkajni tajatat, chu naʼanan tatsinksni; chu lipekua tuku nala; chu kʼakgapun katuwa tuku natasiya.»
«Xaʼawatiya kilhtamaku lu tuwa nawan. Xlakata lakchixkuwin xakstukan nakapaxkikan, napaxkikgo tumin, nachixkuwitnankgo, tlanka nakamakgkatsikan, nitlan nalichuwinankgo Dios, ni nakgalhakgaxmatkgo xnatlatnikan, ni napaxtikatsininankgo, namakgxtakgnankgo, ni napaxkinankgo, nila wi tuku nakatalakkaxlakan, nalimawakanankgo tuku nitlan, ni namachokgokgo tuku nitlan tlawaputunkgo, xalak luku, ni napaxkikgo tuku tlan, naʼakgskgawinankgo, xalaktsakat, lu lanka nakamakgkatsikan, tlakg napaxkikgo wa tuku nalipaxuwakgo nixawa Dios, nalimasiyakgo pi paxkikgo Dios pero ni xlikana.»
